ჯონ ფორბს ნეში
ჯონ ფორბს ნეში უკულაში (ინგლ.
13 მანგი, 1928, ბლუფილდი, ბჟადალი ვირჯინია, ააშ — ღ. 23 მესი, 2015, მონროშ თაუნშიპი, ნიუ-ჯერსი, ააშ) — ამერიკალი მათემატიკოსი, ნობელიშ პრემიაშ ლაურეატი ეკონომიკაშ დარგის, 1994 წანას.
| ჯონ ფორბს ნეში | |
| ინგლ. John Forbes Nash Jr. | |
 ნეში 2000-იან წანეფს | |
| დაბადებაშ თარიღი: | |
|---|---|
| დაბადებაშ აბანი: | ბლუფილდი, ბჟადალი ვირჯინია, ააშ |
| ღურაშ თარიღი: | მესი 23, 2015 (86 წანერი) |
| ღურაშ აბანი: | მონროშ თაუნშიპი, ნიუ-ჯერსი, ააშ |
| მენოღალობა: | |
| ომენცარე სფერო: | მათემატიკა, კრიპტოგრაფია, ეკონომიკა |
| სამუშაშ აბანი : | |
| ალმა-მატერი: | |
| ომენცარე ხემანჯღვერი: | ალბერტ უილიამ ტაკერი |
| ჯილდოეფი დო პრემიეფი: | ჯონ ფონ ნოიმანიშ თეორიული პრემია (1978) |
ჯონ ფორბს ნეში გურაფულენდჷ კარნეგი-მელონიშ უნივერსიტეტის. დუდშე ქიმიური ინჟინერიათ რდჷ დაინტერესებული დო უკულ ქიმიათ. უკულიან პერიოდის, მათემატიკოსი ჯონ ლაიტონ სინგიშ ელაჩამათ, ნეშიქ მათემატიკაშ დოგურაფა ქიდიჭყჷ. ნეშიქ მიპალუ ბაკალავრიშ დო მაგისტრიშ ხარისხი კარნეგი-მელონიშ უნივერსიტეტის დო უკულ გურაფა გაგინძორჷ ფრინსთონიშ უნივერსიტეტის. ოდოქტორე დისერტაცია თხილუ 1950 წანას, ალბერტ უილიამ ტაკერიშ ხემანჯღვერობათ. გურაფაშ თებაშ უკული მუშენდჷ მასაჩუსეტსიშ ტექნოლოგიაშ ინსტიტუტის.
ჯონ ფორბს ნეში მერჩქინელი რე XX ოშწანურაშ ართ-ართ უდიდაშ მათემატიკოსო. ნეშიქ მიშეღჷ დიდი თია ლაჸაფეფიშ თეორიაშ დო დიფერენციალური გეომეტრიაშ გოვითარაფაშა. ლაჸაფეფიშ თეორიას დიდი შანულობა უღჷ საბაზრო ეკონომიკაშო, ევოლუციური ბიოლოგიაშო, კომპუტაციაშ სისტემეფიშო, ოურდუმე თეორიაშო, ხელუანური ინტელექტიშო დო ბუღალტერიაშო.
ჯონ ფორბს ნეში რდჷ ნობელიშ პრემიაშ, ჯონ ფონ ნოიმანიშ პრემიაშ, სტილიშ პრემიაშ დო აბელიშ პრემიაშ ლაურეატი. 1996 წანაშე ნეში რდჷ ამერიკაშ მენცარობეფიშ ერუანული აკადემიაშ მაკათური. ჯონ ფორბს ნეშიშ რინაშ დო მენცარული კონტრიბუციაშ გეშა გინოღალირი რე ფილმი ერებამი გონება, სოდეთ ნეშიშ როლს რასელ ქროუ არსულენს. ჯონ ფორბს ნეშიქ ღურუ 2015 წანაშ 23 მესის, ავტოკატასტროფას.
რესურსეფი ინტერნეტის
- Home Page of John F. Nash Jr. at Princeton
- IDEAS/RePEc
- "Nash Equilibrium" 2002 Slate article by Robert Wright, about Nash's work and world government
- Nash, John (1928–2015) | Rare Books and Special Collections from Princeton's Mudd Library, including a copy of his dissertation (PDF)
- Biography of John Forbes Nash Jr. from the Institute for Operations Research and the Management Sciences
This article uses material from the Wikipedia მარგალური (Margaluri) article ჯონ ფორბს ნეში, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.