წყარმალუშ ღანჩო — დიხაუჩაშ ჟიდოხი, სოჸურეშეთ წყარი ზოხოიანი წყარმალუშ ვარ და წყარმალუშ რშვილს ენმიკათინუაფუ.
ირი წყარმალუშ ღანჩო იკათუანს ჟიპიჯური დო დიხაშთუდოლენი წყარმაშაყარუეფს. ჟიპიჯური წყარმაშაყარუეფი დიხაუჩაშ ჟიპიჯიშ საგანო რე, ნამუშეთ წყარი წყარმალუშ რშვილს ვარა წყარმალუს ენმიკათინუაფუ.
დიხაშთუდოლენი წყარმაშაყარუ ფატარი ქანეფიშ შჷრეეფიე, ნამუშეთ წყარი წყარმალუშ რშვილს ენმიკათინუაფუ. თიშ გეშა ნამდა დიხაშთუდოლენი წყარმაშაყარუშ ხურგეფიშ დოდგინუა პრაქტიკულო ძნელიენ,წყარმალუშ ღანჩოშ გოხურგუაშ ბორჯის, ხვალე დიხაშთუდოლენი წყარმაშაყარუს გურიშხონარენა. ხურგეფი ზოხოიანი წყარმალუეფიშ ღანჩოეფიშ შქას წყარგჷმართალეფს გჷთმოჸუნა.
არსებენს გჷმმალი და უგჷმმალი ღანჩოეფი.
უგჷმმალს უძახუნა დინახლენკონტინენტური გიმნაველეფიშ არეეფს, ნამუეფით წყარმალუშ გეშა ოკიანეს ვა არცხუაფუნა. გჷმმალი ღანჩოშ ფორმა დო ზომა შხვადოშხვანერიე, მერცხუაფილიე ელჷ-მოლიშ გეოგრაფიულ პიჯალეფშა, რელეიფიშ დო გეოლოგიურ ეგაფილობაშა.
მოსოფელიშ უდიდაში წყარმაშაყარუ ღანჩო გარჩქუ წყარმალუ ამაზონს (7180 ვითოში კმ²); თის მოჸუნს დიდი წყარმალუეფიშ კონგოშ (3 680 000 კმ²) დო მისისიპიშ (2,981,076 კმ²) ღანჩოეფი.
This article uses material from the Wikipedia მარგალური (Margaluri) article წყარმალუშ ღანჩო, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.