პაატა ბურჭულაძე

12 ფურთუთა 1955, ქართი, სსრრ) — ქორთუ ოპერაშ მაბირე (ბანი), პოლიტიკოსი.

ოპერა

ბურჭულაძექ მუსიკალური გონათაფა მიღჷ ქართიშ მუსიკაშ პედაგოგ ოლიმპი ჭელაშვილწკჷმა. უკვე მუჭოთ მოგურაფუ დიდი წჷმოძინათ იბირდჷ ქართშ ოპერაშ დო ბალეტიშ თეატრის. გიშაკერძაფილი ნიჭიშ გეშა მიღჷ სტიპენდია, ნამუქჷთ თის საშუალება მეჩჷ გურაფა გუგჷნძორებუდკო მაინლანდის ჯულიეტა სიმიონატიშ დო ედუარდო მულერიშ მანჯღვერობათ.

უკვე 1981 წანას, მიპალუ მაართა ჯილდო მუსიკალურ კონკურსის Voci Verdiane (ბუსეტო, იტალია). 1982 წამას ორქოშ მედალით გიმორძგუ ჩინებულ მოსკოვიშ ჩაიკოვსკიშ ოერეფოშქაშე კონკურსის. 1985წანას, გიმორძგუ ლუჩიანო პავაროტიშ კონკურსის (ფილადელფია, ააშ). შანულამ კონკურსეფს მეჭირინაფილი წჷმოძინეფიშ გეშა შილებუ ევროპაშ დო ოორუე ამერიკაშ სცენეფს წჷმოძინელი შარაშ გოგჷნძარაფა.

თიში სენსაციურ დებიუტიქ აკოდირთჷ კოვენტ გარდენ ოპერას, ლონდონს, სოდე ასრულჷ რამფისიშ პარტია ოპერა „აიდას“, ტენორი მურიცხიშ ლუჩანო პავაროტიშ რადამესიშ ხასჷლას. ვანარკი წჷმოძნა ხვადჷ მილანიშ ლა სკალას დო ვენაშ სახენწჷფო ოპერას. ჰერბერტ ფონ კარაიანქ მიჭანუ ზალცბურგიშ ფესტივალშა, სოდე პაატაქ უკული ხოლო ვაართშა გჷმორჩქინდჷ საკონცერტო წჷმორინაფეფს. ბურჭულაძეშ კარიერაშ ხოლო ართი კონკა რდჷ მეტროპოლიტენიშ ოპერაშ თეატრის „ბორის გოდუნოვს“ თარ პარტიაშ სრულება 1990-91 წანეფს.

პოლიტიკა

2015 წანაშ გერგობათუთას, ქჷდარსხუ ორგანიზაცია „საქართველოს განვითარების ფონდი“ (საქორთუოშ გოვითარაფაშ ფონდი), ნამუშ ღანკი რდჷ „ქიანაშო აქტუალური ოკითხეფიშ სხუნუა დო სახენწჷფობურო მოარზუანე დემოკრატიული ნძალეფიშ კონსოლიდაცია“. 2016 წანაშ მესის, პაატა ბურჭულაძექ ქჷდარსხუ ყარაფი „სახენწჷფო კათაშო“, ნამუქჷთ ოპარლამენტე გიშაგორუეფს აკათუ, მუშ შედეგო პარლამენტშა მინაულარ ხონარეფქ ვაშაყარინუ დო დემარცხჷ.

• Zahlreiche Recitals (არიეფი დო Liedprogramme)
• "Ernani"(სილვა) პავაროტიწკჷმა დო სუდერლანდწკჷმა ართო
• "აიდა" (რამფისი) პავაროტიწკჷმა
• "La Forza del Destino" (პატრი გუარდიანი) კარერასწკჷმა
• "ევგენი ონეგინი" (გრემინი)

• (ინგლ.) www.burchuladze.net Archived 2006-11-11 ვებ-ხასჷლას Wayback Machine.