კრისტიან ნეტლინგ ბარნარდი (ინგლ.
8 გერგობათუთა, 1922, ბოფორტ-უესტი, კაპიშ პროვინცია, ობჟათე აფრიკაშ რსხუ — ღ. 2 ეკენია, 2001, პაფოსი, კვიპროსი) — ობჟათე-აფრიკალი ექიმი, კარდიოქირურგი დო ტრანსპლანტოლოგი.
კრისტიან ბარნარდი | |
Christiaan Barnard | |
კრისტიან ბარნარდი 1969 წანას | |
დაბადებაშ თარიღი: | |
---|---|
დაბადებაშ აბანი: | ბოფორტ-უესტი, კაპიშ პროვინცია, ობჟათე აფრიკაშ რსხუ |
ღურაშ თარიღი: | ეკენია 2, 2001 (78 წანერი) |
ღურაშ აბანი: | პაფოსი, კვიპროსი |
მენოღალობა: | |
ომენცარე სფერო: | |
სამუშაშ აბანი : | გროოტ-შურიშ ჰოსპიტალი |
ალმა-მატერი: | კეიპტაუნიშ უნივერსიტეტი |
კრისტიან ნეტლინგ ბარნარდიქ დებადჷ 1922 წანაშ 8 გერგობათუთას, ნოღა ბოფორტ-უესტის, ობჟათე აფრიკას. გურაფულენდჷ კეიპტაუნიშ უნივერსიტეტის დო მინესოტაშ უნივერსიტეტის (ააშ). 1958 წანას დირთჷ ობჟათე აფრიკაშა დო ერჩის კეიპტაუნიშ გროოტ-შურიშ ჰოსპიტალიშ ექსპერიმენტალურ ქირურგიაშ დეპარტამენტიშ უნჩაშო. 1967 წანაშ 3 ქირსეთუთას, კრისტიან ბარნარდიქ აკეთჷ გურიშ ტრანსპლანტაციაშ მაართა ოპერაცია, დონორიშ დენიზ დარვალიშ გური გინუნერგჷ 54 წანერ ლუის ვოშკანსკის, ნამუქით ოპერაციაშ 18 დღაშ უკულ დოღურჷ. გურიშ ტრანსპლანტაციაშ მაჟია ოპერაცია ბარნარდიქ აკეთჷ 1968 წანაშ დაჭყაფუს. პაციენტი რდჷ 59 წანერ ობჟათე აფრიკალი დანტისტი ფილიპ ბლაიბერგი. ბლაიბერგიქ გინასქიდჷ ოპერაციას დო ოპერაციაშ უკულ ცხოვრენდჷ 19 თუთას დო 15 დღას. გურიშ ტრანსპლანტაციაშ უკულ პაციენტეფ უმოსო ღურუდჷ. ახალ იმუნოსურპრესორიშ ციკლოსპორინიშ მეღებაშ უკულ, ოპერაციაშ შედეგეფქ ხოლო გეუჯგუშუ. კრისტიან ბარნარდი ოპერაციეფს და ტრანსპლანტაციეფს ორთუდჷ 1983 წანაშა. ბარნარდის ხელეფს ქაღოლჷ რეუმატოიდულ ართრიტიქ დო სამედიცინო პრაქტიკაქ ხოლო მიოტებელქაუ. ქირურგიულ კარიერაშ თებაშ უკულ კრისტიან ბარნარდიქ ავსტრიას დარსხუ კრისტიან ბარნარდიშ ასოციაცია, ნამუთ ოხვარუდჷ ბაღანეფს დო აფინანსენდჷ. ბარნარდიქ ღურუ 2001 წანაშ 2 ეკენიას, კვიპროსიშ ნოღა პაფოსის.
კრისტიან ბარნარდი შხვადოშხვა წინგეფიშ ავტორი რე. გიშაშქჷ ჟირ ავტობიოგრაფიულ წინგი. მაართა ავტობიოგრაფიაქ One Life გიშართჷ 1969 წანას. მაჟია ავტობიოგრაფიაქ The Second Life გიშართჷჷ 1993 წანას. შხვა ომენცარე დო სამედიცინო წინგეფი რე:
This article uses material from the Wikipedia მარგალური (Margaluri) article კრისტიან ბარნარდი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.