ტრაპიზონიშ იმპერია

იმპერიაქ დირსხუ 1204 წანას მაანთხა ჯვაროსნული ლაშქუაშ უკული. თექიან მახორობაშ უმეტაშობა მართლმადიდებელ ქირსიანი რდჷ დო XX ოშწანურაშ დაჭყაფუს უმეტაშობა საბერძნეთშა გეგნახორეს.

ტრაპიზონიშ იმპერიაქ დირსხუ 1204 წანაშ პირელს, ალექსი კომნენოსიშ გამა. ალექსი კომნენოსეფიშ დინასტიაშ ეკონია გაამა კოჩი ანდრონიკე I-იშ გამნარყი ორდჷ. დორსხუალაშ ბორჯის იმპერიაშ აკოდგინალუაშა მიშართჷ ნოღა ტრაპზონქ დო მუკი–მუკი ტერიტორიეფქ. იმპერიაშ დორცხუალაშ ართ-ართი გურმოჭვე დო მაკორნაფალი საქორთუოშ მაფა თამარი რდჷ, დასურო საქორთუოშ გოულაშ სფეროთ ქოთ იჸუ ტრაპიზონქ.

1235 წანას ბიზანტიაშ იმპერატორი ანდრონიკე I დოჸვილეს, მუში ქომოლსქუა მანუელი დაჸვერებული რდჷ, ნამუქჷთ ჭიჭე ხანიშ უკული ქოთ დოღურუ. ალექსი დო მუში ჯიმა დავითი დიდაქ საქორთუოშა მიდეჸუნუ.

ალექსი კომნენოსი საქორთუოშ სამაფო ფანიაწკჷმა დოხოლაფირი პიროვნება რდჷ. დიდამუში საქორთუოშ მაფაშ გიორგი III-შ ოსურსქუა რუსუდანი ორდჷ.

XIII ოშწანურაშ გიოჭყაფუს, იმპერიაშ აკოდგინალაფაშა მიშმურს ყირიმიშ კოკიშ ტერიტორიეფი.

გვიან ბორჯის მიხუჯინჷ ბიზანტიშ იმპერიაშ ოკათურექ, ნამუშ აკოდგინალაფაშა ტრაპზონქით მიშელჷ. 1453 წანას ოსმალეთიშ იმპერიაქ კონსტანტინოპოლიშ ეჭოფუა შელუ, ტრაპზონქ კუნტახანურო გინოსქილადა მახერხჷ, მარა 1461 წანას ოსმალეფქ ტრაპიზონით გეჭოფეს.

• ტრაპიზონიშ იმპერატორეფიშ ერკებული

• ალ. გამყრელიძე, ბასიანის ომის თარიღი და ტრაპიზონის იმპერიის დაარსების ზოგიერთი საკითხი, კავკასიის ხალხთა ისტორიის საკითხები, თბ., 1966.