IV ჯვაროსნულ ლესქერუა – ჯვაროსნული ლესქერუა 1202-1204 წანეფს ეგვიპტეშ მეხჷ ისარხჷ, მარა ვენეციარ ვაჭარეფიშ მაზაკვალური გეგმაშ ჭყოლოფუათ ბიზანტიაშ სააწმარინალო მიკირთჷ.
თეობალდ III-ში ღურაშ უკული მანჯღვერო ბონიფაციუს I მონფერატიქ დოდირთჷ.
XIII ოშწანურაშ დაჭყაფუ ბორჯის ბიზანტიაშ ომაფე კარს დიდი ბუძოლი რდჷ. 1204 წანას თამარ მაფაქ თიმ ბორჯიშო ძალამი უმორდებუ გჷნოჭყვიდირი მიღუ - სამანჯელო, ბიზანტიაშ იმპერატორი ალექსი ანგელოსიშ მოინალეეფიშ ხეთჷ თამარშე ჯღვენერი ბერეფიშ გორჩუალა გიმირინუ დო ბიზანტიაშ ნორხველი ობჟათე-ელახჷ უჩა–ზუღაპიჯონშა ურდუმი მიდაშქუ. ქორთული ურდუმქ გეჭოფჷ თე ტერიტორია დო თექ ტრაპიზონიშ საკეისრო ქჷდარსხუ. თამარქ ტრაპიზონიშ მაფობა საქორთუოს ნარდი ალექსი კომნენოსის ჩაბარჷ. თაშნე საქორთუოქ ობჟათე-ბჟადალჷ განშე მაჸალე ქირსიანული სახენწჷფო ქჷმიძინჷ.
კინ თი 1204 წანას ჯვაროსანეფქ კონსტანტინოპოლი გეჭოფეს დო თექ ლათინეფიშ იმპერია ქჷდარსხუეს, ნამუშ მაართა იმპერატორით ბალდუინ I ფლანდრიარქ იჸუ. ბონიფაციუს მონფერატიქ თესალონიკიშ მაფათ გინირთჷ. ლათინეფიშ იმპერიაქ 1261 წანაშა ქჷგარზჷ. თე ლაშქუაშ უკული ჯვაროსანეფიშ პოზიციეფქ მორჩილ აზიას ძალამც დედაღარჷ. იერუსალიმი ეგვიპტარი არაბეფიშ ხესჷ სქიდუდჷ. ევროპაშ მონარქეფქჷ უკულიანი რალაფი ეგვიპტეჸურე ქჷმიორინეს.
This article uses material from the Wikipedia მარგალური (Margaluri) article მაანთხა ჯვაროსნული ლაშქუა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.