ტიხო ბრაჰე
ტიხო ბრაჰე (დან.
14 ქირსეთუთა, 1546, სკონეშ პროვინცია, დანია-ნორვეგიაშ უნია — ღ. 24 გჷმათუთა, 1601, პრაღა, ბოჰემიაშ ომაფე) — დანიარი ასტრონომი დო ალქიმიკოსი.
| ტიხო ბრაჰე | |
| დან. Tycho Brahe | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | გჷმათუთა 24, 1601 (54 წანერი) |
| ღურაშ აბანი: | პრაღა, ბოჰემიაშ ომაფე |
| მენოღალობა: |
|
| ომენცარე სფერო: | |
| სამუშაშ აბანი : | ურანიბორგი |
| ალმა-მატერი: | კოპენჰაგენიშ უნივერსიტეტი |
| ჯოხოშინელი მოგურაფეეფი: | |
| ხეშმოჭარუა: |
|
.svg){kind=small}
ტიხო ბრაჰე გურაფულენდჷ კოპენჰაგენიშ, ლაიფციგიშ დო როსტოკიშ უნივერსიტეტეფს. ასტრონომიათ ორდოიანი წანეფიშე დეინტერესჷ. ბრაჰექ, კოპერნიკიშ ჰელიოცენტრიზმიშ დო პტოლემეშ გეოცენტრიზმიშ მოდელეფიშ გოართოიანაფათ, წჷმარინუ მუში ასტრონომიული მოდელი, ნამუშ მეჯინათ თუთა დიხაუჩას მუკი-მუკი გართანს, პლანეტეფი ბჟას გართუნა დო ბჟა დიხაუჩას გართუ. ბრაჰე რდჷ მაართა მენცარი ნამუქჷთ ეჭარჷ სუპერნოვა. 1576-1580 წანეფს ბრაჰექ, დანიაშ დო ნორვეგიაშ მაფაშ ფრედერიკ II-შ პატრონაჟით, ვენიშ კოკის დარსხუ ურანიბორგიშ ობსერვატორია დო ალქიმიური ლაბორატორია. ათაქ მუშობაშ ბორჯის, ბრაჰექ გიმირკვიუ შხვადოშხვა ასტრონომიული ობიექტეფი: მურიცხეფი, პლანეტეფი, კომეტეფი დო თინეფიშ ყარაფი. 1597 წანას ბრაჰექ მაფა კრისტიან IVწკჷმა კონფლიქტიშ გეშა, ურანიბორგი ქიდიტუ დო პრაღაშა მიდართჷ. ათაქ ბრაჰე რუდოლფ II-შ პატრონაჟით მუშენდჷ დო რდჷ იმპერატორიშ ოფიციალური ასტრონომი. ათე პერიოდის ბრაჰექ ბოჰემიაშ ნოღა ბენატკი-ნად-იიზეროუს დარსხჷ ობსერვატორია. 1600-1601 წანეფს, ობსერვატორიაშ მუშობაშ ბორჯის, ბრაჰეშ ასისტენტი რდჷ იოჰანეს კეპლერი. უკულ კეპლერქ გიმირინჷ ბრაჰეშ მენცარული რკვიებეფი პლანეტეფიშ ყარაფიშ სუმი კანონიშ გოვითარაფაშო. კეპლერიშ მურიცხეფიშ დო პლანეტეფიშ შინელი კატალოგი ხოლო ბრაჰეშ რკვიებეფს რე გერსხილი. ტიხო ბრაჰექ ღურჷ პრაღას, 1601 წანაშ 24 გჷმათუთას.
რესურსეფი ინტერნეტის
- ტიხო ბრაჰე ენციკლოპედია ბრიტანიკას
- The Noble Dane: Images of Tycho Brahe, an exhibition by the Museum of the History of Science, Oxford in 2004
- The Correspondence of Tycho Brahe from the Early Modern Letters Online website
- Learned Tico Brahae, His Astronomicall Coniectur, 1632 Archived 2014-09-07 ვებ-ხასჷლას Wayback Machine. – full digital facsimile, Linda Hall Library
- Coat-of-arms of Brahe
- Information about the Tycho Brahe Museum on the island of Ven
This article uses material from the Wikipedia მარგალური (Margaluri) article ტიხო ბრაჰე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.