სერბეფი (სერბ.
Срби / Srbi) — ბალკანეთის დო ცენტრალურ ევროპას მახორუ სლავი ერი (დოხოლ. 6.5 მილიონი). სერბეფი კომპაქტურო ოხორანა სერბეთიშ ტერიტორიას, თინეფი თაშნეშე ბოსნია დო ჰერცეგოვინას (1.5 მილიონი), გერმანიას (507 ვითოში), მონტენეგროს (200 ვითოში), ხორვატიას (200 ვითოში), ავსტრიას (177 ვითოში), ამერიკაშ აკოართაფილი შტატეფს (169 ვითოში) დო ხოლო შხვა მუსხირენ ქიანას ოხორანა დო ოშა-გოშა სიდიდაშ დიასპორეფი უღუნა.
სერბეფი სერბულ-ხორვატულ ნინაშა რაგადანა, ნამუშათ სერბეთის თაშნეშე სერბული ნინა უჯოხონა. კინე თე სერბულ-ხორვატულ ნინას ხორვატიას ხორვატული ნინა, ბოსნიას - ბოსნიური ჯოხო. თეშნერო მარგალურ ვიკიპედიას ხოლო რე სტატიეფი თ.გ. სერბული, ხორვატული დო ბოსნიური ნინეფიშ გეშა, მარა თაქ ხოლო თარი დო უმოსი გოფაჩილი ინფორმაციაშ მეგორაფა თე ნინაშ დო თიში დიალექტეფიშ გეშა, ზუსტას სტატიას დუდჯოხოთ "სერბულ-ხორვატული ნინა" შილებე.
სერბი მორწუმეეფიშ უმენტაშობა მართლმადიდებელი ქირსიანი რე, ნორთი - კათოლიკე, სერბეთიშ მენოღალეფიშ ხოლო უმოსი მორჩილი რიცხუ დუდს პროტესტანტო დო მუსლიმო მირჩქინანს. რელიგიური გიშაკერძაფა ჸოფილი იუგოსლავიაშ ტერიტორიას წჷმოქიმინელჷ სახენწჷფოოეფს შხირას ეთნიკურობაშ გჷმათანჯალი რე.
This article uses material from the Wikipedia მარგალური (Margaluri) article სერბეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.