სამცხე-ჯავახეთიშ აკანი
სამცხე-ჯავახეთიშ აკანი (ქორთულო სამცხე-ჯავახეთის მხარე) — აკანი ობჟათე საქორთუოს, იკათუანს საქორთუოშ ისტორიულ–გეოგრაფიული პროვინციეფიშ სამცხეშ, ჯავახეთიშ დო თორიშ ტერიტორიეფს.
| სამცხე-ჯავახეთიშ აკანი სამცხე-ჯავახეთის მხარე | |
|---|---|
 | |
| ქიანა | საქორთუო |
| სახენწჷფო რწუმებული | ბესიკ ამირანაშვილი |
| რეგიონიშ კოდი: | GE-SJ |
| რაიონი | 6 |
| ფართობი: | 6413 კმ² |
| მახორობა: | 160.504 (2014) |
რეგიონიშ საირქიანო კოდი რე: GE-SJ.
ზოგადი ჩინებეფი
აკანიშ ფართობი აკმადგინანს 6413 კვ.კმ-ს, მახორობა - 160 504 კოჩი, მახორობაშ მეჭედალა 1 კვ.კმ-ს - 25 კოჩის. აკანიშ ადმინისტრაციული ცენტრი რე ნოღა ახალციხე. აკანს 353 დოხორელი პუნქტი რე, თენეფ შქას:
- ნოღა - 5: ახალქალაქი, ახალციხე, ბორჯომი, ვალე, ნინოწმინდა;
- დაბა - 7: ბაკურიანი, ბაკურიანის ანდეზიტი, წაღვერი, ახალდაბა, ადიგენი, აბასთუმანი, ასპინძა;
- ოფუტე - 254.
აბანური მუშითმართუალა
სამცხე-ჯავახეთიშ აკანშა მიშმურს საქორთუოშ კანონდვალათ გოთანჯილი გეჸვენჯი ადმინისტრაციულ-ტერიტორიული ართურეფი:
- ადიგენიშ მუნიციპალიტეტი;
- ასპინძაშ მუნიციპალიტეტი;
- ახალქალაქიშ მუნიციპალიტეტი;
- ახალციხეშ მუნიციპალიტეტი;
- ბორჯომიშ მუნიციპალიტეტი;
- ნინოწმინდაშ მუნიციპალიტეტი.
აკანიშ მართუალა ახორციელენს საქორთუოშ პრეზიდენტიშ დორინაფილი სახენწჷფო რწუმებული. თე პოსტის, ნამუქუთ მუშაღალირქ იჸუ 1994 წანაშ კვირკვეს, ამდღაშა მუშენდეს:
ეკონომიკა
სამცხე–ჯავახეთი ჯინჯიერი ოფუტე-ომეურნე რეგიონი რე, დახე არძა რეწუაშ პროდუქცია ბორჯომს იწარმებუ. თაქ რე აკოკათინელი აკანიშ ოკურორტე–გამაჯანსაღებელი ინფრასტრუქტურა. ეკონომიკური თოლონჭაფუთ პერსპექტიული რე ტურისტული მეურნობაშ გოვითარაფა, თაშნეშე ახალქალაქის დო თურქეთიშ ნოღა ყარსის შქას დოგეგმილი რე რკინაშშარაშ კიდანჯალა.
კულტურული ძეგლეფი
აკანიშ ტერიტორიას იდვალუაფუ ორთაშ, არქიტექტურაშ დო კულტურაშ ანდა ძეგლი, თენეფშე არძაშე შანულამეფი რე:
- ვარძიაშ ომონასტერე კომპლექსი
- თმოგვიშ ჯიხა
- ხერთვისიშ ჯიხა
- ზარზმაშ მონასტერი
- საფარიშ მონასტერი
რესურსეფი ინტერნეტის
- სამცხე-ჯავახეთიშ აკანიშ ოფიციალური ვებ-ხასჷლა Archived 2019-12-27 ვებ-ხასჷლას Wayback Machine.
This article uses material from the Wikipedia მარგალური (Margaluri) article სამცხე-ჯავახეთიშ აკანი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.