პატრიკ ბლეკეტი
პატრიკ მეინარდ სტიუარტ ბლეკეტი, ბარონი ბლეკეტი (ინგლ.
18 გერგობათუთა, 1897, ლონდონი, ინგლისი — ღ. 13 კვირკვე, 1974, ლონდონი, ინგლისი) — ინგლისარი ფიზიკოსი. თიში რკვიებეფი უმოსო ორხველუდჷ კონდენსაციურ კამერეფს, კოსმოსური ჩხორიეფს, პალეომაგნეტიზმის. ჸათე რკვიებეფიშ გეშათ მიპალუ ნობელიშ პრემია ფიზიკაშ დარგის 1948 წანას. პატრიკ ბლეკეტი რდჷ მაართა მენცარი ნამუქჷთ დანტკიცჷ ნამდა რადიოაქტივობას შეულებჷ გჷმოჭანაფა ქიმიური ელემენტეფიშ ბირთვული ტრანსმუტაციაშ. მაჟირა მოსოფელიშ ლჷმაშ ბორჯის, ბლეკეტიქ მიშეღჷ დიდი თია ოურდუმე სტრატეგიაშ დო ოპერაციული რკვიებეფიშ გოვითარაფაშა.
| პატრიკ ბლეკეტი | |
| ინგლ. Patrick Blackett | |
 | |
| დაბადებაშ თარიღი: | |
|---|---|
| დაბადებაშ აბანი: | |
| ღურაშ თარიღი: | კვირკვე 13, 1974 (76 წანერი) |
| ღურაშ აბანი: | ლონდონი, ინგლისი |
| მენოღალობა: | |
| ომენცარე სფერო: | |
| სამუშაშ აბანი : | ომაფე კოლეჯი |
| ალმა-მატერი: | |
| ომენცარე ხემანჯღვერი: | |
| ჯოხოშინელი მოგურაფეეფი: | რობერტ ოპენჰაიმერი |
| ჯილდოეფი დო პრემიეფი: | ომაფე მენდალი (1940) |
.svg){kind=small}
დებადჷ ლონდონს. გურაფულენდჷ ბრიტანეთიშ ოზუღე ნძალეფიშ კოლეჯის. მონაწილენდჷ მაართა მოსოფელიშ ლჷმას. უღუდჷ ლეიტენანტიშ ჩინი. 1919 წანას ბლეკეტიქ ოურდუმე კარიერა ქიმიოტუ დო გურაფა გაგინძორჷ კემბრიჯიშ უნივერსიტეტის. გურაფაშ თებაშ უკული მუშენდჷ კავენდიშიშ ლაბორატორიას, ექსპერიმენტულ ფიზიკოსო. ბლეკეტი 1924-1925 წანეფს მუშენდჷ გეტინგენიშ უნივერსიტეტის. 1933-1937 წანეფს რდჷ ბირკბეკიშ ფიზიკაშ პროფესორი. 1937 წანას ბლეკეტიქ გინილჷ მანჩესტერიშ უნივერსიტეტიშა, სოდეთ დარსხუ რკვიებეფიშ საირქიანო ლაბორატორია. 1953 წანას ბლეკეტიქ გიშაგორილქ იჸუ ლონდონიშ იმპერიული კოლეჯიშ ფიზიკაშ დეპარტამენტიშ მადუდეთ. პატრიკ ბლეკეტი 1965-1970 წანეფს რდჷ ლონდონიშ ომაფე ჯარალუაშ პრეზიდენტი.
რესურსეფი ინტერნეტის
- პატრიკ ბლეკეტი ენციკლოპედია ბრიტანიკას
- პატრიკ ბლეკეტი Nobelprize.org-ის
- ბიოგრაფიული ფაქტეფი INFORMS-ის
This article uses material from the Wikipedia მარგალური (Margaluri) article პატრიკ ბლეკეტი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.