ოპერატიული მუკოწონაფაშ მონწყილობა (RAM) რეალიზაფილიე ქვერსემი ინტეგრალური სქემაშ სახეთ.
მუნაჩამეფიშ კითხირიშ ვარა დინოჭარუაშ ჟამს 60+ ნანომერქა რე (60x10−9წმ). არსებენს ჟირი ტიპიშ ოპერატიული მუკოწონაფაშ მონწყილობა: სტატიკური დო დინამიკური. სტატიკური ოპერატიული მუკოწონაფაშ მონწყილობაშ ელემენტარული უჯრედიშ როლს ინტრიგერული სქემა გიშმურს. ათენერი სქემა იმპულსიშ მეღებაშახ ვარა ჩამაშ გიმოთიშაფაშახ ინარჩუნენს ართ-ართი დგომარებას 0 ვარა 1. უჯრას დინოჭარილი ინფორმაციაშ კითხირიშ ჟამს თიში დგომარება ვეთირუ. დინამიკური მოდელი აკმოდირთუ მიკროსკოპული ნტირაფაშე (კონდესატორეფიშე). არძონერი კონდესატორი შილებე რდასინ ჟირ დგომარებას: დომუხტული ვარა უდუმუხტუ. თეცალი შვენას ენოჭარილი მუნაჩამეფიშ მუკაწონაფალო ოხვილური რე უდუმუხტუო კონდესატორეფიშ პერიოდულო დომუხტუა. თეშ გეშა დინამიკური შვენა სტატიკურწკჷმა ალაზიმაფათ ნელმოქმედიე. მანგიორი თინა ნორკებას ენერგონტირალიე. ოკო ებღანკათ, ნამუდა ჟირხოლო ტიპიშ მუკოწონაფაშ მონწყილაფა წიმარინუანს მორჩილი ზუმაშ ბეშტილი პლატას, თიშა გოდვალირი მიკროსქემეფით. ოპერატიული მუკოწონაფაშ მონწყილაფაშ გალე, წორობორჯული პერსონალური კომპიუტერეფს გარჩქუნა თ.გ. ჟიოპერატიული მუკოწონაფაშ მონწყილაფა (ქეშ შვენა), ნამუთ უნარღელჸოფირენს ნელმოქმენდი მონწყილობაშ მერინაფას, ფეიკარმოქმენდ მონწყილობაწკჷმა, მაგალითო, მიკროპროცესორიშ დინამიკურ შვენაწკჷმა.
არსებენს ჟირი დონეშ ქეშ შვენა: მაართა დონეშ 32 ბაიტიშ ნტირაფათ (ასე უკვე 64), ნამუთ ინოკიდილიე უშქაშმალუო მიკროპროცესორს დო მაჟირა დონეშ 512 დო უმოსი ნტირაფათ. თინა გირინუაფუ სისტემური პლატას.
This article uses material from the Wikipedia მარგალური (Margaluri) article ოპერატიული შვენა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.