ნაგპური (მარათჰ.
ნოღა იდვალაუფუ წყარმალუ ნაგის. ნაგპური — ბიწორო მაძინუ მეგაპოლისი რე. შტატი მაჰარაშტრაშ სიკაბეტეთ მასუმა ნოღა რე (მუმბაიშ დო პუნაშ უკული), ნამუთ აკმოქიმინუნს ინდოეთიშ სიკაბეტეთ მა-13-ა ონოღე აგლომერაციას. ნოღა შანულამი ოწარმებე დო პოლიტიკური ცენტრი რე.
ნოღა
|
ნაგპური — მაჰარაშტრაშ შტატიშ კანონმადვალუ შაყარუაშ ზოთონჯიშ სესიაშ მანჯაფაშ აკანი რე, შტატიშ ზოთონჯიშ ნანანოღა რე. თაშნეშე ნაგპურს იდვალუაფჷ ინდური ნაციონალური ორგანიზაცია რაშტრია სვაიამსევაკ სანგჰიშ შტაბ-ორენი დო ბუდისტური გოახალაფაშ ყარაფი — ბუდისტური ყარაფი დელიტი.
ბოლო ბორჯის, ნოღას ინდოეთიშ არძოშე სუფთა დო ბანგალორიშ უკული მაჟირა არძოშე წვანე ნოღაშ სტატუსიქ ქიმიაჩჷ. ნაგპურს იმანჯებჷ მაჰარაშტრაშ შტატიშ ასამბლეაშ წანმოწანური ზოთონჯიშ სესია, კჷნ თე ბორჯის, თენა ვიდარბჰიშ რეგიონიშ კომერციული დო პოლიტიკური ცენტრი რე, ნამუთ ედომუშამი ქიანაშ მასშტაბით რჩქინელი რე მუჭოთ „ფორთოხალეფიშ ნოღა“, თიშენ ნამჷ-და, თინა რეგიონს მოჸონაფილი ფორთოხალით ვაჭარუაშ თარი ცენტრი რე..
ნაგპური აკოგაფილი რე ინდოეთიშ ზუსტ გეოგრაფიულ ცენტრის, ნამუსჷთ თაქ ეპონილი „ნული მილიშ“ მონუმენტი ეიოშინანს. ნოღა გონდეფქ დარსხუეს, მარა მოგვიანაფათ ბჰონსლეშ კლანიშ ნომართუ მარათჰიშ იმპერიაშ ნორთი რდჷ. XIX ოშწანურას, ნაგპური ბრიტანეთიშ ოსტინდოეთიშ კომპანიაქ გეჭოფუ დო თინა ცენტრალური პროვინციაშ დო ბერარიშ ნანანოღათ გჷნართინჷ. შტატეფიშ მაართა რეორგანიზაციაშ უკული, ნაგპურქ ნანანოღაშ სტატუსი მიოდინჷ, მარა პოლიტიკურ ლიდერეფს შქას დოდვალირი ვა ოფიციალური „ნაგპურიშ პაქტიშ“ მეჯინათ, ნოღაქ მაჰარაშტრაშ შტატიშ მაჟირა ნანანოღათ გჷნირთჷ. ნაგპურშა შხირას „ინდოეთიშ ჸილოეფიშ ნანანოღა“ უჯოხონა, თიშენ ნამჷ-და, ნოღა ინდოეთიშ ჸილოეფიშ მიარე ტყაჩირს მითმურსხუანს მოსოფელს.
This article uses material from the Wikipedia მარგალური (Margaluri) article ნაგპური, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.