ლუგანსკიშ ოკათე რესპუბლიკა
ლუგანსკიშ ოკათე რესპუბლიკა (რუს.
Луганская Народная Республика; უკრ. Луганська Народна Республіка) — მუშითგჷმოცხადაფილი რესპუბლიკა უკრაინაშ ბჟაეიოლ ნორთის, ლუგანსკიშ ოლქის. ლუგანსკიშ ოლქიშ დიდ ნორთის ასეშო კიევი აკონტროლენს. უკრაინა დო უკრაინული კონსტიტუცია 2014 წანაშ პირელს მანჯაფილჷ რეფერენდუმს ვაღიარენს დო ლორ-ს უკრაინაშ ნორთო კოროცხჷნს, ნამუთ ასეშო, რუსეთიშით რე ოკუპირაფილი.
| ლუგანსკიშ ოკათე რესპუბლიკა Луганская Народная Республика Луганська Народна Республіка | ||||||
|---|---|---|---|---|---|---|
| ||||||
 | ||||||
| ნანანოღა | ლუგანსკი | |||||
| ოფიციალური ნინა | ||||||
| თარობა | ოპრეზიდენტე რესპუბლიკა | |||||
| - | პრეზიდენტი | იგორ პლოტნიცკი | ||||
| ზოხორინალა უკრაინაშე | ||||||
| - | გჷმაცხადჷ | 2014 წანაშ 12 მესი | ||||
| ვალუტა | რუსული რუბლი (RUB) | |||||
| ბორჯიშ ორტყაფუ | UTC+3 | |||||
2014 წანაშ 12 მესის, ლუგანსკიშ ოკათე რესპუბლიკაშ დე-ფაქტო ხეშუულობაქ გჷმაცხადჷ, ნამჷ-და თიმ წანაშ 11 მესის ლუგანსკიშ ოკათე რესპუბლიკაშ მუშითგიშარკვიებაშ რეფერენდუმს გიშმაგორალეფიშ 96,2%-ქ ხონარი რეგიონიშ ზოხორინალაშ დო ახალი რესპუბლიკაშ გოჭყაფას მეჩჷ. თეშ უკული ლორ-შ ხეშუულობაქ რუსეთწკჷმა მესვარუაშ დო დონეცკიშ ოკათე რესპუბლიკაწკჷმა კონფედერაცია „ნოვორასიას“ (რუს. Новороссия) დოართოიანაფაშ კორინი გჷმოთქუ. 2014 წანაშ 11 მანგის, ლორ-ქ რუსეთის დო 14 შხვა სახენწჷფოს მუნეფიშ ზოხორინალაშ აღიარაფა ქოთხუ.
ასეშო ლორ აღიარჷ ხვალე ობჟათე ოსეთიქ დო დონეცკიშ ოკათე რესპუბლიკაქ.
უკრაინაშ ხეშუულობა ლორ-იშ მოხუჯეეფს ტერორისტეფო დო სეპარატისტეფო მირჩქინანს დო თინეფიშ სააწმარენჯო ანტიტერორისტულ ოპერაციას მანჯენს (ოერეფოშკაშე კათაფათ გაჩერდჷ 2014 წანაშ ეკენიას დო 2015 წანაშ დაჭყაფუს). ოპერაციაშ დაჭყაფუშ პერიოდიშ აბანობური საოლქე სხუნუშ დეპუტატეფქ გაცხადეს, ნამჷ-და უკრაინაქ პატი ცას ოკო ლუგანსკის მახრუ კათაშ ნებას დო დახასიათეს ოპერაცია მუჭოთ „ტერორისტული“ დო მუნეფიშ კათაშ სააწმარენჯო ქიმინჯეფო.
თაშნეშე ქოძირით
- დონეცკიშ ოაკთე რესპუბლიკა
- იგორ პლოტნიცკი
რესურსეფი ინტერნეტის
სქოლიო
This article uses material from the Wikipedia მარგალური (Margaluri) article ლუგანსკიშ ოკათე რესპუბლიკა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.