ლიქიორი
ლიქიორი (ფრ.
liqueur < ლათ. licour — ქვანთი) — მანგარი სპირტიანი ოშუმალი, ნამუთ იკათუანს 35%-შახ შანქარს დო 45%-შახ (ონტირონათ) სპირტის. ბჟადალ ევროპას ლიქიორი მაართათ ჰოლანდიას ზადეს. ჯვეშო ლიქიორიშ ოზადალო გჷმირინუანდეს საწამალო ოდიარეეფს, პეულეფს, გუმნაღელს. გიშაკერზაფილო მაღალი ხარისხიშ ლიქიორს ზადუნდეს საფრანგეთის. უჯვეშაში ფრანგული ლიქიორეფი რე შარტრეზი დო ბენედიქტინი.
გიშმაგორუნა მანგარ, სადესერტო დო კრემლიქიორეფს. ლიქიორს ზადჷნა ხილიშ დო კანკარიშ დოსპირტელი წვენეფიშ, ჯინჯეფიშ, თასეფიშ, პეულეფიშ, ციტრუსეფიშ გუმნაღელიშ ტყებიშ, კაკაოშ დო ყავაშ ბწკარეფიშ, სუნელეფიშ (ვანილი, მიხაკი, დარიჩინი დო შხვა.). დოსპირტელი დუნადგინაშ, ეთერზეთეფიშ, არომატული სპირტეფიშ, შანქრიშ სიროფიშ (კანკალეშა ცაცლაბიშ მაჭარიშ), ჯგირო წიმინდელი რექტეფიცირაფილი სპირტიშ (კანკალეშა კონიაკიშ სპირტიშ), ლიმონიშ ბჟეშ დო დალიბარებულ წყარშე.
რესურსეფი ინტერნეტის
ლიტერატურა
- ქორთული სხუნუეფიშ ენციკლოპედია, ტ. VI, ხს. 269, ქართი, 1983 წანა.
This article uses material from the Wikipedia მარგალური (Margaluri) article ლიქიორი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.