ლაი ცინგ დე
ლაი ცინგ დე (ჩინ.
6 გჷმათუთა, 1959, თაშნეშე ჩინებული მუჭოთ უილიამ ლაიშ ჯოხოთ) — ტაივანალი პოლიტიკოსი დო ექიმი, ტაივანიშ ვიცე-პრეზიდენტი დო გიშაგორილი პრეზიდენტი, 2024 წანაშ ტაივანიშ საპრეზიდენტო გიშაგორუეფს გომორძგუაშ უკული.
| ლაი ცინგ დე ჩინ. 賴清德 Luā Tshing-tik Lai Ching-te William Lai | ||
 ოფიციალური პორტრეტი, 2020 წანა | ||
 ტაივანიშ გიშაგორილი პრეზიდენტი  | ||
|---|---|---|
| თეჟამიანი პოსტი | ||
| დეკინჷ | 20 მესი, 2024 | |
| ვიცე-პრეზიდენტი | სიაუ ბიქჰიმი | |
| წიმოხონი | ცაი ინ-ვენი | |
| დუნაბადი | 6 გჷმათუთა, 1959 ვანლი, ტაიბეი, ტაივანი | |
| პოლიტიკური პარტია | დემოკრატიული პროგრესული პარტია | |
| ალმასქუ | უ მეიჩჟუ | |
| სქუალეფი | 2 ქომოლსქუა | |
| გონათაფა | ჩენგუნიშ ერუანული უნივერსიტეტი ტაივანიშ ერუანული უნივერსიტეტი ჰარვარდიშ უნივერსიტეტი | |
| ვებ-საიტი | Official website | |
ლაიქ დებადჷ ტაიპეიშ ვანლიშ განობას. დუდმაართაშე გურაფულენდჷ რეაბილიტაციას დო ოჯალარე ჭყანთხილუას ტაიპეის, უკული, 2003 წანას, მიღჷ ჰარვარდიშ უნივერსიტეტიშ მაგისტრიშ ხარისხი. ექიმეფიშ აზარაშ ერუანული ასოციაციაშ პრეზიდენტალაშ უკული, ლაიქ 1996 წანაშ გიშაგორუეფს გიმორძგჷ თაინანიშ მაჟორიტარულ ოლქის. გეჸვენჯ წანეფს ოლქის მუსხირენ გომორძგუაშ უკული, 2010 წანას ლაიქ ნოღა თაინანიშ მერო გჷნირთუ. 2014 წანაშ გომაჟირაფონ გიშაგორუეფიშ უკული, პრეზიდენტ ცაი ინ-ვენქ ლაი 2017 წანას, პრემიერ-მინისტრო ქჷდარინუ.
2018 წანაშ 24 გერგობათუთას, ლაიქ გეგნოდირთჷ პრემიერიშ პოსტიშე 2018 წანაშ აბანობური გიშაგორუეფიშ უკული, ნამუსთ თიში პარტიაქ, დემოკრატიული პროგრესული პარტიაქ (DPP), კონწარო დემარცხჷ. 2019 წანას, მჯუშ კანდიდატურა წჷმარინუ დინოხპარტიულ გიშაგორუეფს, მარა ცაი ინ-ვენიშ გომორძგუაშ უკული, თიშ პარტნიორო გჷნირთუ 2020 წანაშ გიშაგორუეფს. ცაი ინ-ვენიშ გომორძგუაშ უკული, ლაი ტაივანიშ ვიცე-პრეზიდენტო ქჷდარინეს. 2023 წანაშ პირელს, DPP-ქ ლაი 2024 წანაშ გიშაგორუეფს მუში კანდიდატურა წჷმარინუ, ნამუსჷთ თიქ 40.05%-ით გიმორძგჷ.
ლაი ხუჯის უკინანს ტაივანიშ ოკითხირეს სტატუს-კვოშ ასქუილადაფას, ამერიკაშ აკოართოიანაფილ შტატეფწკჷმა ურთიართობეფიშ გოტომბარაფას დო შხვა ლიბერალურ დემოკრატიეფწკჷმა რსხუეფიშ გოჭყაფას.
რესურსეფი ინტერნეტის
- „ომი თუ მშვიდობა“, „დემოკრატია თუ ავტოკრატია“? - რა არჩევანი აქვს ტაივანს, ლუკა პერტაია, იანვარი 05, 2024
სქოლიო
This article uses material from the Wikipedia მარგალური (Margaluri) article ლაი ცინგ დე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.