ისლანდიარეფი — კათა, ისლანდიაშ თარი მახორობა.
მუდანობა დოხოლაფირო 500 000 ადამიერი რე, თინეფშე, 319 000 ისლანდიას ოხორანს, 75 000 — კანადას, 89 00 — ააშ-ს, 15 000 — დანიას. რაგადანა ისლანდიურ ნინაშა. მორწუმეეფი — პროტესტანტეფი რენა (ლუთერანეფი). ისლანდიარეფი ჯვეშსკანდინავიარეფიშ გამნარყიშ რენა. სკანდინავიაშე ისლანდიას 9-10-ა ოშწანურეფს გეგნორთჷ მახორობაქ, ნამუშ თარი გვირზილი ნორვეგიალეფი რდეს. ისლანდიარი კათაშ გჷმოქიმინუას ნორვეგიალეფწკჷმა ართო, სკანდინავიარეფიშ მაპალობას მარენჯი ირლანდიაშ დო შოტლანდიაშ მახორობა ხოლო ოკათუდჷ. 11-13 ოშწანურეფს ისლანდიარი კათაშ კონსოლიდაციაშ პროცესას უმოს შანულამ პერიოდის წჷმარინუანს. ისლანდიაშ ერუანულ გოვითარაფას კოკის დანიაშ ხანგჷრძე პატჷნალა ვაუნწყუნდჷ ხეს დოჭყაფილი 1380 წანაშე. 1918 წანას დანიაქ ნორვეგიალეფიშ სუვერენული ნებეფი აღიარჷ დანია-ისლანდიური უნიაშ დაჭყაფუშე. 1944 წანას უნიაქ მეჭყორდჷ დო ისლანდიაქ რესპუბლიკათ გეგმიცახდჷ. ისლანდიარეფიშ თარი საქვარუა მეჩხომობა, ჩხომიშ ხერეჭუა დო ოფუტეშ მეურნობა რე.
This article uses material from the Wikipedia მარგალური (Margaluri) article ისლანდიარეფი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.