იოჰან გოტფრიდ გალე (გერმ.
9 მანგი, 1812, რადისი, პრუსიაშ ომაფე — ღ. 10 კვირკვე, 1910, პოტსდამი, გერმანიაშ იმპერია) — გერმანალი ასტრონომი.
იოჰან გოტფრიდ გალე | |
გერმ. Johann Gottfried Galle | |
დაბადებაშ თარიღი: | |
---|---|
დაბადებაშ აბანი: | რადისი, პრუსიაშ ომაფე |
ღურაშ თარიღი: | კვირკვე 10, 1910 (98 წანერი) |
ღურაშ აბანი: | |
მენოღალობა: | |
ომენცარე სფერო: | |
სამუშაშ აბანი : | ბერლინიშ ობსერვატორია |
ალმა-მატერი: | |
ჯილდოეფი დო პრემიეფი: |
|
ხეშმოჭარუა: |
იოჰან გოტფრიდ გალე გურაფულენდჷ ვიტენბერგიშ გიმნაზიას. უკულ გურაფა გაგინძორჷ ბერლინიშ უნივერსიტეტის, ნამუთ გათუ 1833 წანას. გურაფაშ თებაშ უკულ მუშენდჷ გუბენიშ დო ბერლინიშ გიმნაზიეფს.
1835 წანას გალექ, იოჰან ფრანც ენკეშ ხემანჯღვერობათ, მუშობა ქიდიჭყჷ ბერლინიშ ობსერვატორიას. ჸათაქ თიქ 16 წანას ქიმუშუ. 1838 წანას გალექ მიოგორუ მარსქულიშ დინახალენი, რუმე რულეს. 1839-1840 წანეფს მიოგორუ სუმი ახალი კომეტას.
1846 წანაშ 23 ეკენიას, იოჰან გალექ, მუში ასისტენტი ჰაინრიხ ლუი დ'არეწკჷმა ართო, ფრანგი ასტრონომიშ ურბენ ლევერიეშ კორდინატეფით, მიოგორუ პლანეტა ნეპტუნს.
1851 წანას იოჰან გალექ ომუშებუშა გინილჷ ბრესლაუშ (ასეიანი ვროცლავი) ობსერვატორიაშა. 1856 წანაშე გალე რდჷ ბრესლაუშ უნივერსიტეტიშ ასტრონომიაშ პროფესორი. გალექ ბრესლაუს იმუშუ 45 წანას.
იოჰან გოტფრიდ გალეშ ჯოხონობაშ რე კრატერეფი თუთას დო პლანეტა მოროხის, ართი ასტეროიდი დო ნეპტუნიშ ართ-ართი რულე.
This article uses material from the Wikipedia მარგალური (Margaluri) article იოჰან გოტფრიდ გალე, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.