ივანე ჯავახიშვილი (დ.
11 პირელი/23 პირელი, 1876, ქართი ― ღ. 18 გერგობათუთა, 1940) — დიდი ქორთუ ისტორიკოსი დო გჷშარჩქინელი ოჯარალუ მოქარანე, ქართიშ სახენწჷფო უნივერსიტეტიშ ართ-ართი დჷმარსხუაფალი, საქორთუოშ დო კავკაციაშ ომენცარე სკოლაშ ართ-ართი დჷმარსხუაფალი, სხუნუეფიშ სოციალისტური რესპუბლიკეფიშ რსხუშ მენცარობეფიშ აკადემიაშ აკადემიკოსი, ისტორიაშ მენცარობეფიშ დოქტორი, პროფესორი.
ივანე ჯავახიშვილქ დებადჷ ქართის. მუამუში, პატჷნი ალექსანდრე ჯავახიშვილი რდჷ გიმნაზიაშ პედაგოგი. 1895 წანას ჯავახიშვილქ გათუ ქართიშ მაართა კლასიკური გიმნაზია, 1899 წანას პეტერბურგიშ უნივერსიტეტიშ ბჟაეიოლიშ ნინეფიშ ფაკულტეტი (სომეხური-ქორთული-ირანული ნინეფი). 1899—1901 წანეფს რდჷ თე უნივერსიტეტიშ მაგისტრანტი. 1901—1902 წანეფს მეპეჯებული რდჷ ბერლინიშ უნივერსიტეტშა.
1902—1917 წანეფს ჯავახიშვილი რდჷ პეტერბურგიშ უნივერსიტეტიშ ბჟაეიოლიშ ფაკულტეტიშ ქორთული დო სომხური ფილოლოგიაშ კათედრაშ პრივატ-დოცენტი.
1907 წანას ნახანდიშე „ჯვეში სომხეთიშ დო საქორთუოშ სახენწჷფოებური მონწყილობა“ ქიმიაჩჷ მაგისტრანტიშ სამენცარო ხარისხიქ. 1918 წანას მიაჩ პროფესორიშ ხარისხიქ.
1918 წანას ივანე ჯავახიშვილიშ დუდალათ დო ქორთუ მენცარეფიშ ბუნაშ ინიციატივათ ქჷდირსხუ ქართიშ სახენწჷფო უნივერსიტეტიქ. 1919—1926 წანეფს რდჷ თე უნივერსიტეტიშ რექტორი (მაართა რექტორი პროფესორი პეტრე მელიქიშვილი რდჷ).
1918—1938 წანეფს ივანე ჯავახიშვილი რდჷ ქსუ-შ საქორთუოშ ისტორიაშ კათედრაშ ხემანჯღვერი. 1937-შე რდჷ რუსთაველიშ ჯოხონობაშ მუზეუმიშ დირექტორი.
1939 წანას სხუნელი რდჷ სსრრ-შ მენცარობეფიშ აკადემიაშ თახმი მაკათურო (აკადემიკოსო).
ივანე ჯავახიშვილქ დაჭყაფუ მეჩჷ საქორთუოშ ისტორიაშ ტომბა მენცარულ დოგურაფას. გჷშაკერძაფილო დიდი ხანდა ინოდუ ქორთული ბორჯიშეჭარილობაშ კორობილიშ - „ქართლის ცხოვრებაშ“ დოგურაფას.
ჯავახიშვილქ ჭარჷ კაპიტალური ნახანდი „ქართველი ერის ისტორია“ (5 წიგნო).
ჯავახიშვილქ ქჷდიგურუ ეკონომიკაშ ისტორია. თე თემაშე ჭარჷ 2-ტომამი ფუნდამენტური მონოგრაფია „საქართველოს ეკონომიკური ისტორია“.
http://burusi.wordpress.com/history/ivane-javakhishvili/
This article uses material from the Wikipedia მარგალური (Margaluri) article ივანე ჯავახიშვილი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). დინორე მიწორინაფილი რე გეჸვენჯი ლიცენზიათ (დო შხვა ვა რე მეწურაფილი-და): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki მარგალური (Margaluri) (DUHOCTRUNGQUOC.VN) is an independent company and has no affiliation with Wiki Foundation.