Louis Lecomte

I dmoréve a Tcheslinea.

Il a cmincî a scrire e walon diviè 1920 et s' a djoké e 1943.

Après aveur djouwé teyåte, i scrît lu-minme sacwants pîces; adon-pwis, des tchansons e walon (tchantêyes pa Raoul Dewigne), ene ramexhnêye d' arimés et cwate schorsêyes di noveles.

Come romantî, c' est onk des meyeus scrijheus des belès-letes e walon.

Marcel Fabry, l' adroveu di «Ramadjes», li rwaite come on scrijheu impressionisse.

Si feye Marcelle Lecomte a eto scrît e walon.

• Noere bijhe (noveles, 1936)
• Betcheyes (ramexhnêye d' arimés, 1940)
• Dédé (novele, 1941)
• Ramadjes (2 noveles, "Patachon" et "Ramadjes", 1942)
• Prumî bidon (novele, 1943)

I crexhe dins l' payis d' Tchålerwè, wice k' i boute come electrizyin.

E 1939, dandjreus k' i saya di fé måluzance di lu. Il schapa, mins è dmorer aveule. C' est çou k' i raconte — sins dire ki c' est lu — dins "Ramadjes", scrît e moes d' nôvimbe 1939.

Après l' guere di 40, il ala dmorer a Brussele, et s' î astaler come comierçant. Adon, i va scrire des tchansons e francès, dizo l' no d' pene di "Louis Gall". Il a bén toirtchî 120 tchansons po ls efants et 250 po les grandès djins. Ses compôzeus fourît Octave Grillard et Joseph Bachy. Ses tecses ont stî tchantés pa Georgette Plana et Rose Avril.

• Patachon e rfondou (so l' Aberteke)
• Mwaisse modêye (sol waibe "Li walon d' emon nozôtes")