Julien Noël, c' est on scrijheu e walon k' a-st ataké e 2022.
Il a nexhou e 1990, a Nameur. Dvant di scrire e walon, il aveut eto eplaidî sacwants lives e francès.
Di s' mestî, i boute å ministere del culteure, come responsåve do Siervice des Lingaedjes do Payis.
Il atôtche voltî les waloneus e walon, tot cåzant u tot scrijhant.
Il a raprins l' walon al sicole di walon d' Nameur. Si tot prumî scrijhaedje, fwait e 2019, est ene miete speciå : c' est l' modêye walone d' on ptit djeu videyo k' il a adjinçné e troes après-nonne avou on soçon.
Il a moussî ås Relîs Namurwès e 2021. Ses scrîts pasnut dins Les Cayés walons dispu l' an 2022. I s' adjit d' libès powezeyes u di prôze powetike (adon, sins cweri a fé des arimés).
Il ava l' posse å ministere al atake di l' an 2022. Et acvierner des sudjets come li fiesse ås lingaedjes walons, li label «Nosse comene dit oyi» ou co bén les Pris del Federåcion Walonreye-Brussele.
E 2023, tins des Fiesses del Walonreye, i fwait des visites do Muzêye Félicien Rops e walon, avou Christine Decock. Li minme anêye, i scrît eto on motlî do walon des Matagne sapinse l' ouve di Gérard Coulonval.
E 2024, il a rmetou e walon d' Nameur on ptit live d' imådjes di Odysseus, Abèl & Bèlina s’ disguîjenut po l’ chîje aus grigne-dints.
This article uses material from the Wikipedia Walon article Julien Noël, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.