Vinte Håsse

Pol discramiaedje des årtikes avou l' mot « håsse », loukîz cial.

Ene håsse (on dit eto : ene passêye, ene vindicion u ene vinte), c' est ene seyance publike, la k' on vind des sacwès, sovint dvant notåre, tot cminçant pa on bas pris. C' est ene manire di vinde k' on rescontere totavå.

Discramiaedje des sinses do mot "håsse"

Dins ene ôte sôre di vinte publike, on mete a pris å dzeu del valeur del sacwè, et on criyeu dischind a fwait, disk' a tant k' èn atchteu l' côpaxhe : c' est les rabats u vinte olandesse.

Ene des håsse les pus corantes, c' est cwand ene sakî a morou, e k' on vind ses béns po pårti l' eritance.

On frè eto ene håsse cwand ene sakî est saizeye.

Gn a eto des håsses cwand on vindeu vout aveur li meyeu pris ki s' pout d' ene sacwè d' valeur come les ouves d' årt. C' est des societés d' håsse ki s' end ocupèt, come Sothby a Londe.

Dispu l' arivêye del Daegntoele gn a eto des håsses u passêyes éndjolikes.

Les passêyes do djoû des åmes, c' est ene uzance del Walonreye la k' on vind vinde des sacwès di s' corti po payî des messes po les moirts.

Dins ene håsse, li criyeu anonce li metaedje a pris. Po les sacwès d' valeur, ci pris la a stî aviré pa on comissaire-préjheu.

Li ci ki vout atchter creye on pus hôt pris. On dit k' i dit dsu u k' i forbate u sorbate.

Li sacwè a vinde va å ci k' a dit l' dierin. Adon, li cler do notåre bouxhe on côp d' mårtea sol tåve, et dire "Addjudjî !".

• Dins l' roman e walon "Li crawieuse agaesse", gn a on discrijhaedje literaire d' ene håsse p. 22-28.
• Po vey l' uzaedje djeyografike des mots "håsse", "passêye", "vindicion" et "vinte" dins les accints do walon e 20inme sieke, loukîz sol PALW 1, 12.