Betchfessî Oe
Li betchfessî OE, c' est on betchfessî scrijha ki rascove des mots ki s' prononçnut foirt diferinnmint totavå l' Walonreye, mins aprume avou li son eû (/øː/) so Lidje ey ene pårteye del Basse Årdene, avou l' son wè (/wɛ/) après Nameur et Tchålerwè, avou l' son è (/ɛ/) so tot l' corin del Walonreye (Cînè, Bastogne, Dinant), et co brâmint des ôtes pitits prononçaedjes pus stroet oyous.
Sacwants piceures
Li betchfessî "oe" est enimådjî dins l' fråze djeu d' mot
- Dji n' a djamåy yeu si froed mes doets k' ouy.
ki fwait ôre li mot francès "Wikt:couille" s' elle est prononceye a môde di Lidje.
Li betchfessî oi si s' mete måy al tiesse d' on mot, mins s' pout ritrover å coron do mot (cawete -oe, sacwants codjowas come "dji voe")
Sourdants do betchfessî OE
Li scrijha OE a stî eployî dispu 1200, mins nén po reprezinter li betchfessî OE :
- po rprezinter li betchfessî ô
- choeze (1250) (tchôze)
(pa côps avou deus ponts):
- po rprezinter li son wè (sistinme Léopold Godenne)
- memoère (1890-1910)
Istwere do betchfessî "oe"
Les mots avou l' betchfessî "oe" prindnut leu prononçaedje diviè l' 14inme sieke.
- Engroe : Engroit (1242), Engret (1331), Ennegreu (1515).
Istwere do relijhaedje di OE
Les mots scrîts e rfondou avou OE avént stî rfondous avou wè (1994) pu avou eu (1996).
C' est J.P. Hiernaux k' atåvla l' betchfessî OE e 1997.
Hårdêyes difoûtrinnes
This article uses material from the Wikipedia Walon article Betchfessî oe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Li contnou est dzo l' licince CC BY-SA 4.0 a moens k' ça soeye dit ôtrumint. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Walon (DUHOCTRUNGQUOC.VN) is an independent company and has no affiliation with Wiki Foundation.