Lakad
Lakad (𒀝𒅗𒁺𒌑 ak-ka-du-u2) binon pük dadeadik lofüdasemitik, kel päspikon in Mesopotän vönik jü tumyel jölid bü Kristus, ven päplaädon fa laramey.
| Lakad lišānum akkadītum | |
 | |
| Pükafamül: | semit
|
| Paspiköl in: | Lamporän lakadik[*], Babülonän, Lasürän[*] |
| Pükans: | 0 |
| Penädasitot: | cuneiform[*] |
| ISO 639-2: | akk |
| ISO 639-3: | akk |
Binon pük lofüdasemitik vönikün sevädik. Ägebon koinapenäti, kel primo pegebon ad penön sumeri: pük leigo dadeadik Sumeräna. Nem “lakad” dekömon de zif: ‘Akad’: zif gretik kuliva Mesopotäna dü Lampörän lakadik.
Dialegs
Lakad labon dialegis sevädik folis, lised kelas pajonöl is.
| Dialeg | Topam |
|---|---|
| Lasüriyik | Mesopotän nolüdik |
| Babülonik | Mesopotän zänik e sulüdik |
| Mariotik | Za zif: ‘Mari’ in Süriyän |
| Tell Beydar | Süriyän nolüdik (za zif: ‘Tell Beydar’) |
Vödastok
Vödastok lakada mödadilo labon rigi semitik. Do padilädon as “pük lofüdasemitik”, vöds mödik vödastoka okik difons vemo de vöds in püks semitik votiks. As sam: ‘māru’ “son” (semitik ‘*bn’), ‘qātu’ “nam” (semitik ‘*yd’), ‘šēpu’ “fut” (semitik ‘*rgl’), ‘qabû’ “sagön” (semitik ‘*qwl’), ‘izuzzu’ “stanön” (semitik ‘*qwm’), ‘ana’ “pro, tefü” (semitik ‘*li’). Sekü kosam lardik ko sumer e laramey, vödastok lakada dalabon vödis mödik de püks at.
Taib at jonon samis vödas in lakad de püks difik:
| Lakad | Sinif | Rig | Vöd in pük rigik |
|---|---|---|---|
| dû | lubel | sumer | du |
| erēqu | mofugön | laramey | ʿRQ (stamädavöd) |
| gadalû | lenlabön (klotis linumik) | sumer | gada lá |
| isinnu | nämiko | sumer | ezen |
| kasulatḫu | kuprinöm | huriy | kasulatḫ- |
| kisallu | cödöp | sumer | kisal |
| laqāḫu | sumön | lugarit | LQḤ (stamädavöd) |
| purkullu | stonikötian | sumer | bur-gul |
| qaṭālu | deidön | laramey | QṬL (stamädavöd) |
| uriḫullu | pönod | huriy | uriḫull- |
Lakad id äbinon fonät vödas in püks votik, pato sumer. Samo: vöd sumerik: ‘ra gaba’ (monitan) dekömon de vöd lakadik: ‘rākibu’.
This article uses material from the Wikipedia Volapük article Lakad, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Volapük (DUHOCTRUNGQUOC.VN) is an independent company and has no affiliation with Wiki Foundation.