Willem (Wim) Ruska (Amsterdam, 29 ogustus 1940 – Hoorn, 14 februoari 2015) wos een Hollandsche oud-judoka.
Binst zyn judocarrière won Ruska twêe olympische titels, twêe weireldtitels (1967 in Salt Lake City en 1971 in Ludwigshafen), zeevn Europeesche titels en je kwam mêerdere kêers Hollands kampioen.
Oundanks de vele successn die Wim Ruska geboekt hèt, woarounder d' Olympische Zomerspeeln 1972 in München, hèt hy hiervôorn nôois echte erkennienge gekreegn. Da kwam deur de bloedige Palestynschn anslag binst de speeln ip d' Israëlische delegoasje die de speeln hèn overschoaduwd. De sportboundn hèn ôok amper hunder apprecioasje getoogd an Wim Ruska, zodat hy hierdeure dikwyls buutn de pryzn viel, lik ounder andere de Fanny Blankers Koen Trofee en Sportman van 't joar. Achter die Speeln van München endigbe Ruska zyn actieve carrière en je kwam boundscoach van Holland.
Ofbeeldiengn die ier by passn ku je vien in de categorie Wim Ruska van Wiki Commons. |
This article uses material from the Wikipedia West-Vlams article Wim Ruska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.