Wim Ruska
Willem (Wim) Ruska (Amsterdam, 29 augustus 1940 – Hoarn, 14 febrewaris 2015) wie in Nederlânske judoka.
Hy wurdt troch in soad minsken as de bêste judoka dy't Nederlân ea hân hat beskôge.
| Wim Ruska | ||
 sporter | ||
 | ||
| Wim Ruska yn 1972 | ||
| persoanlike bysûnderheden | ||
| echte namme | Willem Ruska | |
| bynamme | Tarzan van de tatami | |
| nasjonaliteit |  Nederlânsk | |
| bertedatum | 29 augustus 1940 | |
| berteplak | Amsterdam | |
| stjerdatum | 14 febrewaris 2015 | |
| stjerplak | Hoarn | |
| lingte | 1.89 m | |
| gewicht | 94 kg | |
| sportive ynformaasje | ||
| sport | Judo | |
| O.S. | München 1972 | |
| debút | 1960 | |
| karriêre-ein | 1972 | |
| wichtige prestaasjes | ||
 2x goud Olympyske Spullen | ||
Karriêre
Ruska wûn twa Olympyske titels, twa wrâldtitels (1967 en 1971), sân Europeeske titels en waard ferkate kearen Nederlânsk kampioen.
Ruska syn grutte prestaasjes by de Olympyske Simmerspullen 1972 yn München, dêr't er yn it swiergewicht en alle kategoryen it goud helle, hawwe him net sa'n protte bekendheid opsmiten. De spullen yn München binne altyd yn it skaad bleaun fan it omtinken foar de oanslach op de Israelyske ploech, dy't koart dêrfoar bard wie.
Yn 2001 krige Ruska in harsenynfarkt. Hy rekke dêrtroch foar in part ferlamme en syn spraakfermogen gie ek foar in grut part ferlern.
Yn 2013 waard Ruska troch de ynternasjonale judofederaasje (IJF) yn de Hall of Fame opnaam. Ruska stoar yn 2015 mei 74 jier.
Ferneaming
Yn maart 2017 waard op it Sportsintrum Papendal yn Arnhim in nije judohal iepene dy't nei Ruska neamd is.
Literatuer
- Wim Koesen, Ruska: Triomf En Tragiek Van Een Judokampioen, Utjouwerij Thomas Rap, 2011, ISBN 9789400403314
Keppelings om utens
Fideomateriaal
- Willem Ruska (NED) - Vitali Kuznetsov (RUS) 1972 Olympyske Spullen yn München
- Klaus Glahn (GER) - Willem Ruska (NED) 1972 Olympyske Spullen yn München
- Willem Ruska (NED) - Givi Onashvili (RUS) 1972 Europeeske Kampioenskippen yn Voorburg
- Judodemonstraasje Willem Ruska
- Willem Ruska tsjin in berneteam
| Boarnen, noaten en/as referinsjes: |
| |
This article uses material from the Wikipedia Frysk article Wim Ruska, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ynhâld is beskikber ûnder CC BY-SA 4.0, at net oars neamd wurdt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Frysk (DUHOCTRUNGQUOC.VN) is an independent company and has no affiliation with Wiki Foundation.