Stroatsburg

Stroatsburg Strasbourg
Liggienge in Frankryk
Geografie
Regio	Grand Est
Departement	Bas-Rhin
Arroundissement	Strasbourg
Kanton	Strasbourg-1, 2, 3, 4, 5, en 6
Coördinoatn	48°35′NB 7°45′OL
Ippervlak	78,3 km²
Inweuners
Inweuners	272.222 (2011) 3.476,7 inw./km²
Andere
Burgemêester	Roland Ries
Postcode	67000
Webadres	Officiële website

Stroatsburg (Frans: Strasbourg, Alemannisch: Strossburi, Duuts: Straßburg) is e stad in 't nôordôostn van Frankryk ip de lienkeroever van de Reyn, dichte by de grenze met Duutsland. 't Is d' hoofdstad van de regio Grand Est en 't departement Bas-Rhin.

De zetel van de Road van Europa en 't Europees Hof vo de Rechtn van de Mens zyn der gevestigd en tegoare mè Brussel is 't de zetel van 't Europees Parlement. 't Is ook een universiteitsstad.

In de regio wierd er historisch Alemannisch gesprookn, vandoar de Germoansche noame van de stad. De latste 200 joar is Stroatsburg deur verschillige oorloogn geregeld van Fransche in Duutsche handn overgegoan en ommegekêerd.

• 
  Kathedroale van Stroatsburg
• 
  Grande Île
• 
  Petite France

D' historische stadskern, geleegn ip Grande Île, een eiland tusschn twêe oarms van de riviere de Ill (ILL), is goed bewoard gebleevn en sedert 1988 UNESCO Weirelderfgoed. 't Omvat de kathedroale Notre Dame en de pittoreske wyk Petite France.

Den tram is de belangrykste vorm van openboar vervoer in Stroatsburg.

Ofbeeldiengn die ier by passn ku je vien in de categorie Strasbourg van Wiki Commons.