E sesnêle of schossenêle is e groensel da in den êesten elft van 'n vôrige eeuw redelik algemêen wos.
Sesnêle | |||||||||||||||
---|---|---|---|---|---|---|---|---|---|---|---|---|---|---|---|
Sesnêeln ip e tallôre | |||||||||||||||
Taxonomische indêlienge | |||||||||||||||
| |||||||||||||||
Sôorte | |||||||||||||||
Scorzonera hispanica L., 1753 |
De bynoame is winterasperge of armeluzeasperge.
't Trekt ip een asperge moa der zit e zwarte schelle round. Die pele makt da j' der zwart' and'n van krygt. 't Is vele werk voe da der of te doen.
A ze gescheld zyn, moe je z'in stikskes snyen van 2 toe 4 centimeter. Toen kok je ze met e scheutje azyn omda ze schône blêek zoen bluuvn en ton moe je z'ofwerk'n met e bechamelsause.
Vô de verskillende noamen van de schossenêle in de Vlamse streekdialecten, zie in Typische_West-Vlamsche_woordn. In Vrankryk klappn ze van salsifis.
De voediengsweirde van 100 gram vesche schossenêeln is:
Energetische weirde | 69 kcal / 289 kJ |
Koolhydroatn | 12,5 gram |
Eiwit | 1,5 gram |
Vet | 0,5 gram |
Vitamine C | 5 mg |
Vitamine B1 | 0,05 mg |
Vitamine B2 | 0,02 mg |
Kalium | 400 mg |
Calcium | 60 mg |
Yzer | 1,5 mg |
Schossenêeln word'n ip zandground ter plekke gezoaid tussn olf april en begun meie. A ze te vroeg gezoaid zyn, kunn'n de plantn goan bloein, moa de wortels bluuvn wel eetboar. Den afstand tussn de reek'n is 20 toe 25 cm, en in de reke tussn 7 toet 8 cm. Ze kunn'n uutgedoan word'n vanaf 't ende van oktober. De wortels kunn'n teegn de winter, en kunn'n hêel de winter uutgedoan word'n, voe zolange of dat de ground nie bevroorn es. De wortels kunn'n toe 50 cm lange word'n. Voe z'uut te doen met d'and, moe j' met e spa langs de wortels e diepe gerre delven, en ton kun je z'uut de ground oalen.
Schossenêeln zyn dus êen van de zeldzoame groensels da je deur de winter kud eetn.
Ofbeeldiengn die ier by passn ku je vien in de categorie Scorzonera hispanica van Wiki Commons. |
This article uses material from the Wikipedia West-Vlams article Schosneere, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.