Rik Samaey
Rik Samaey (Ostende, 30 ogustus 1960), is één van de beste basketspelers gewist van België.
Je weunt nu in Eernegem.
Carrière
Je begost moa te baskettn an z'n 16 joar wat da styf loate is. Je speelde vodien voetbal moa je was ton al styf grôot van gestalte en ip anroadn van Lucien Van Kersschaever et 'n begunn baskettn. Je wierd ook getraind deur Van Kers in Ostende.
't Êeste joar, in 1977, was BC Ostende nog e klêne ploeg, moa ze zyn gegroeid en uutendelik en ze verschillige titels g'hoald. Z'n schôonste herinnerienge is d' êeste landstitel in 1980. Ostende stound 2-2 in de play-offs teegn Mecheln en de beslissende match wierd gespeeld in Ostende.
Loater et 'n ook nog in 1e nationale gespeeld by Mecheln en Antwerpn.
Prestoasjes
- In 1979 ist 'n verkoozn toet Rookie van 't joar, beste belofte.
- J' is tien kis verkoozn toet Belgische Basketspeler van 't Joar: ieder joar van 1981 toet 1989 en nog e ki in 1994.
- 12 kis kampioen van België
- 10 kis beker van België
- J' is 108 kis geselecteerd gewist by de nationale ploeg.
Achter e schitterende carrière in 1e nationale et 'n nog een poar joar in 2e nationale gespeeld by Damme toet an z'n 39 joar.
This article uses material from the Wikipedia West-Vlams article Rik Samaey, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.