1927 Jozef Verhaeghe

In 1990 estie ols directeur van 't VTI van Toeroet ip pensioen gegoan.

Zen oeders an ne toebakwinkel in de Ryselstrate. Ie was den oedsten van zesse. Zen vader was intellectueel ingesteld en Vlamsgezind, en ie nam zen jounges al vroeg mee no voordrachten van 't Davidsfonds.

Jozef dei zen lagere schole in d'Oefenschole in Torhout, en derachter zen middelbaar in 't Sint-Jozef, ook in Torhout.

Ip zen veertiende gienk em no't voorbereidend jaar van de legere normaalschole. En ton ging em no Antwerpen voe regent wiskunde, wetenschappen, iconomie. Omwille van de twidden wereldoorloge is 't endexamen uutgesteld gewist. Ie werkte daorom een endje by Bruggen en Wegen in Brugge.

Uutendelik gerocht em in 1946 an ze diplom van regent wiskunde.

Jozef is zen carrière gestart in de Vrye Technische schooln Depoorter in Deinze.

• In 1949 wierd em anveird in 't VTI in Brugge voe ne fulltime in Brugge, en nog zes euren surplus in 't filiaal in Torhout.
• In de jaren '60 had em nog een byjobtje in 't Margareta-Maria-instituut in Kortemark.
• In 1968 was 't VTI in Torhout al zodanig gegroeid dat er een plekke kwam voor nen ounderdirecteur, wovoor Jozef anveird wier. Azo et em van dichte in invoeringe van 't VSO mee gemakt, alsook de computer.
• In 1986 is em directeur geworn. Ie richte een 7de jaar auto-illetriek ip.
• Vanaf 1990 is em ip pensioen.

ANCKAERT, F. et al., Vrij Technisch Instituut Sint-Aloysius Torhout. 1947-1997, uutgegeven by Uitgeverij Emiel Decock, Aartrijke, 1997.