Gotland

't Vormt t'hope met e dêel klèindere eilandn, woaroender Fårö, Stora Karlsö, Lilla Karlsö en Gotska Sandön 't gelyknoamig landschap Gotland, die ip administratief niveau t'hopevalt met de gemêente Gotland en de provinsje Gotlands län. Der weunn 61.000 menschn, woarvan oengeveer 23.600 in Visby, de belangrykste stad.

Gotland ligt oengeveer 90 km t'n ôostn van 't Zweeds vasteland en oengeveer 130 km van de Baltische stoatn, woarvan da Letland der 't dichtste by ligt. Gotland is de noame van 't hoofdeiland, moa d' angrenznde eilandn wordn over 't algemêen anziën lik oenderdêel van Gotland en de Gotlandsche cultuur.

Gotland stoat bekend vo de vele burchtn, ruïnes, kerkn en oede dorpn. 't Is e populaire bestemmienge vo toeristn, mè 't zunnig klimoat in de zomer en d' uutgestrekte kustlyne, moar ook in de wienter bluuft 't weer geweunlik mild.

De belangrykste bronne van inkomstn van 't eiland zyn landbouw, toerisme, informoasjetechnologië, design en e dêel zwoare industrië, lik betongproduucsje uut lokoal gewonn kalkstêen. Vanuut militair standpunt besloat Gotland e strategische locoasje in 't center van de Baltische Zêe.

Ofbeeldiengn die ier by passn ku je vien in de categorie Gotland van Wiki Commons.