Brouwery Rodenbach

In 1750 vestigde den dokteur Ferdinand Rodenbach hem in Roeseloare. Je wos ofkomstig van Andernach an de Reyn in Duutsland. Zyn kleênzeune Alexander kocht e kleêne brouwerie an de Spanjestroate in 1820. Je stichtte e vennoôtschap vo 15 joar tegoare met Amelia, Pedro en Ferdinand Rodenbach. Den 20stn september 1836 is de brouwerie angekocht deur Regina Wouters, 't vromins van Pedro Rodenbach. Loater is 't overgepakt deur Edward Rodenbach en doarachter deur zyn zeune Eugène Rodenbach, die stage gienk volgn in Zuud-Iengeland woa dat ie leêrde over d' Iengelsche Porter bierstyl me verzeurienge, miengelienge en rypienge ip hout. Eugène wos de latste Rodenbach die boas wos van 't bedryf tusschen 1878 en 1889. Je gienk dôod an zyn 39 joar, de 7ste meie 1889. Zyn vrouwe en drie dochters hen de brouwerie overgepakt.

In 1998 wier Rodenbach ipgekocht deur Palm Breweries moa 't brouwn is in Roeseloare gebleevn. De rypienge van 't bier gebeurt in grôte êek’n foeders.

•  
  Oude moutast (1872)
•  
  Poôrtgebouw van d' oude mouterie (1864)

 

Sôortn:

• Rodenbach
• Rodenbach Grand Cru
• Rodenbach Caractère Rouge
• Rodenbach Vintage 2009
• Rodenbach Fruitage
• Rodenbach Red Tripel

Vroeger wier der ôok nog Rodenbach Alexander gemakt en Redbach.

• Georges Rodenbach wos ôok lid van de familie. Je wos e bekende schryver die Bruges La Morte geschreevn eet.

• Z'een ôok schône rekloame van 'Pittig bruintje' gemakt, ênigte joar'n geleen.

Ofbeeldiengn die ier by passn ku je vien in de categorie Brouwerij Rodenbach van Wiki Commons.

• rodenbach.be

Ofbeeldiengn die ier by passn ku je vien in de categorie Brouwerij Rodenbach van Wiki Commons.