Een ast is e droogoven vo mout of chicoreie.
Mout wordt gebruukt vo bier te brouwn. Krotte of de gebrande wortel van chicoreie was vroeger gebruukt ter vervangienge van kaffie.
In 't vôorjoar wordt de plante gezoaid en ton uutgedind. In oktober oogst den boer de wortels die 30 cm lank kunn kommn. Doarachter wordn ze gewasschn, gesneen, gedroogd en gebrand ip de verwarmde vloer van den ast. In 't begun van de vôrige êeuwe verliep alles nog met d'hand en da was keihard werkn en zwêetn. De temperateure in den ast mocht nie ounder de 85 groadn celsius kommn. Den dag van vandoage gebeurt da werk bykan hêlegans machinoal.
In zyn gekend werk "Het leven en den dood in den ast" beschryft Stijn Streuvels 't hard labeur in den ast.
This article uses material from the Wikipedia West-Vlams article Ast, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.