Ann Wauters (Sint-Niklaas, 12 oktober 1980) is e Vlamsche basketspeelster.
Ze begost te baskettn os ze 12 joar oud was by Osiris Aalst. Z'is al vuuf kêers verkoozn tout Europeesche speelster van 't joar en z'is d'êeste en ênigste Belgische speelster die in den Amerikoanschn WNBA speelt, den NBA vo vrouwn, de mêest prestigieuze basketcompetitie, met de beste spelers ter weireld. Z'is 1.93 m grôot en ze speelt ip de centerpositie. Ze speelt me numero 12, heur geboortedoatum.
Heur manager is de West-Vlamsche basketster Sarah De Clerck uut Kortryk, dochter van Stefaan De Clerck.
In november 2010 lat Ann Wauters weetn da ze tydelik stopt mè baskettn omda z'in verwachtienge is van heur êeste kiendje.
Ann Wauters speelt in de zomer van 2008 in de WNBA-competitie by de San Antonio Silver Stars. De coach is Dan Hughes, die by de Cleveland Rockers in 2000 heur êeste coach was in de WNBA. De competië begunt de 17ste meie, een poar doagn achter de Russische finale. Ann Wauters speelt in de zelfste zoale lik de in Brugge geboorn Tony Parker, die by de San Antonio Spurs speelt in den NBA.
Ofbeeldiengn die ier by passn ku je vien in de categorie Ann Wauters van Wiki Commons. |
This article uses material from the Wikipedia West-Vlams article Ann Wauters, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhoud is, tenzij anders aangegeven, beschikbaar onder CC BY-SA 4.0 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki West-Vlams (DUHOCTRUNGQUOC.VN) is an independent company and has no affiliation with Wiki Foundation.