Umeo

Se om ühtennimižen kundan i Vesterbotten-agjan administrativine keskuz.

Umeo
Umeå

Lidnanznam
Valdkund	Ročinma
Eläjiden lugu (2020)	90,412 ristitud
Pind	31,8 km²
Telefonkod	+46−90
Aigvö	tal'vel UTC+1, kezal UTC+2

Eländpunkt mainitase ezmäižen kerdan vodel 1314. Kadoi 1590-nzil vozil, no sen aluz om pandud tošti vl 1622 lidnan statusanke.

Lidn šingotase Umeon universitetal vspäi 1965 (31 tuhad üläopenikoid vl 2015, järed kirjišt). Universitet tegeb tedoidusid biologijan, medicinan i ekologijan sferiš. «Volvo Trucks»-kompanijan tegim pästab kabinoid jüguavtoiden täht. Japonižen «Komatsu Forest AB»-edheotandan päfater radab Umeos vspäi 2004 (mecmašiništon pästand).

Lidn sijadase Umeel'ven-jogen randal (roč.: Ume älv) läz sen lanktendad Botnižhe lahthe, 12 m ü.m.t. keskmäižel korktusel. Meriport radab ezilidnas. EÜ:n üks' lidnoišpäi kaikiš puhthembanke il'manke.

Klimat om ven subarktižen röunal. Voden keskmäine lämuz om +2 C°, heinkun +15 C°, tal'vkun-uhokun −6..−8 C°. Ekstremumad oma −37 C° i +29 C°. Paneb sadegid 650 mm vodes, kuidme läz tazomäras, enamba voden kahtendes poles.

Vl 2010 lidnan eläjiden lugu oli 79 594 ristitud. Kaikiš suremb lidnan i kundan ristitišt om nügüd'. Kaik 131 322 ristitud elädas kundas 5 277,25 km² pindal (2022).

Lidn ühtenzoitase ehtatimel Vas-lidnanke Botnižen lahten vastrandal.

Umeon rahvahidenkeskeine civiline lendimport (roč.: Umeå Airport, UME / ESNU, läz 1 mln passažiroid vodes vll 2012−2019) sijadase 4..5 km suvhe lidnan keskusespäi. Tehtas reisid Ročinmadme päpaloin (Štokhol'm, Göteborg, Estersund, jügureisid Luleoho) i Hel'sinkihe, om čarterreisid Antaljha, Rodos-sarehe (Keskmeren region) i Kanarižihe sarihe.

•  
  Lidnan ohjastusen sauvuz (2011)
•  
  Lidnan lüteranine jumalanpert', vn 2010 nägu (om saudud vll 1892−1894)
•  
  Umeon universitetan ühthine nägu vl 2013
•  
  Umeo-lendimportan terminal vl 2010
•  
  Umeo-päraudtestancijan sauvuz vl 2010

• Lidnan oficialine sait (umea.se). (roč.) (+ erased lehtpoled toižil kelil)