Roso (arab.: روصو Rosau vai arab.: القوارب Al-Quwarib «venehed», franc.: Rosso) om lidn da kund (departament) Mavritanijan suvipäivlaskmas.
Se om valdkundan nellänz' lidn eläjiden lugun mödhe, Trarz-agjan administrativine keskuz.
Valdkund | Mavritanii |
Eläjiden lugu (2013) | 51,026 ristitud |
Telefonkod | +222- |
Aigvö | UTC+0 |
Ende lidnut oli Trarzan emiratan keskuseks. Francižen kolonialižen administracijan aigan Senegal i Mavritanii oliba ühteks, ka Roso-lidnut kändihe röunmal varastamata.
Roso seižub «Nuakšot — Dakar»-avtotekeskustal i šingotase Mavritanijan torguindal Senegalanke (sen tobj pala tegese täs), ühtennimine jogi om laivjogeks vodes läbi, ehtatim ühtenzoitab randoid. Lidn om ümbärtud maižandusen edheotandoil kastelendanke (villänkazvatuz, bobanvuiččed, hirs', mänt, arbuzkazmused, živatvodind), ned oma sätud AÜE:n ühtnendanke, maižanduzkursad (tehnologijoiden institut oficialižešti) oma avaitud.
Lidn sijadase agjan suves, Senegalan röunanno, Senegal-jogen oiktal randal, 6 m ü.m.t. keskmäižel korktusel. Alištub sur'vezile. Matkad Nuakšot-pälidnhasai om 204 km pohjoižhe. Ühtennimine lidnut sijadase jogen vastrandal Senegalas.
Klimat om tropine räk letetazangišton, Sahar valatoitab sidä. Kun keskmäine lämuz om +26..+31 C° päiči kül'mkus-vilukus, konz se om +23..+25 C°. Ekstremumad oma +7 C° i +45 C°. Paneb sadegid 300 mm vodes, se om kaikiš suremb lugumär valdkundas.
Vl 2007 eläjiden lugu oli 15 922 ristitud. Lidn vastsi klimatižiden pagenikoiden surt lugumärad valdkundan toižiš agjoišpäi. Kaikiš suremb ristitišt om nügüd'.
Roso (Mavritanii) Vikiaitas |
This article uses material from the Wikipedia Vepsän article Roso (Mavritanii), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.