Dulut (angl.: Duluth ) om AÜV:oiden lidn da port Minnesot-štatan päivnouzmas.
Se om štatan nellänz' lidn eläjiden lugun mödhe, Sent Luis-ümbrikon administrativine keskuz.
Lidnanznam | Flag |
Valdkund | Amerikan Ühtenzoittud Valdkundad |
Eläjiden lugu (2020) | 86,697 ristitud |
Pind | 207,6 km² |
Pämez' | Emili Larson (viluku 2016—, Emily Larson) |
Telefonkod | +1−218 |
Aigvö | tal'vel UTC−6, kezal UTC−5 |
Nügüdläižen eländpunktan aluz om pandud vl 1857, nimitihe sen tahondad francižen Daniel' Greisolon Ser du Lut-matkadajan (1639−1710) mödhe.
Dulut šingotase jüguiden transportiruindal portan kal't, penil edheotandoil (meblin tehmine, oludenkeitand, kalud lapsiden täht) i turizmal. Vezibiologijan tedoiduzkeskuz.
Lidn sijadase Üläjärven kaikiš päivlaskmaižen čokkoimen randal, 214 m ü.m.t. keskmäižel korktusel. Röunatab Viskonsin-štatanke.
Klimat om ven kontinentaline, Üläjärven penenke valatoitandanke. Voden keskmäine lämuz om +4,8 C°, heinkun-elokun +18..+20 C°, tal'vkun-uhokun −8..−12 C°. Ekstremumad oma −41 C° i +41 C°. Paneb sadegid 792 mm vodes, vähemba vilukus-uhokus (24..26 mm kus), enamba semendkus-sügüz'kus (86..112 mm kus).
Vn 2010 AÜV:oiden rahvahanlugemižen mödhe eläjiden lugu oli 86 265 ristitud, se om läz kaikenaigaine 1990-nziš vozišpäi. Eläjiden koumandez oma Skandinavijan maiden sirdnikoiden jäl'gnikad. Kaikiš suremb lidnan ristitišt oli 107 312 eläjad vl 1960.
Dulut (Minnesot) Vikiaitas |
This article uses material from the Wikipedia Vepsän article Dulut (Minnesot), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.