Puzuänikoižed
SistematikVikierikoiš
| Puzuänikoižed | ||||||||||
|---|---|---|---|---|---|---|---|---|---|---|
 Puzuänikoižiden 12 änikust | ||||||||||
| Tedoklassifikacii | ||||||||||
| ||||||||||
| Latinankel'ne nimi | ||||||||||
| Asteráceae Bercht. & J.Presl (1820), nom. cons. | ||||||||||
|
Puzuänikoižed (latin.: Asteraceae vai Compositae) om Kaksidülehtesižed-klassan kazmusiden sugukund. Klassan üks' kaikiš znamasižembiš, läz 33 tuhad erikoid mülüdas 1911 heimho.
Tipine heim om Astr (Aster) Puzuänikoižed-alasugukundaspäi, heimon tipine erik om stepin astr (Aster amellus).
Leviganduz
Erikoiden «änikod» oma änikused todeks, sišpäi sugukundan nimituz. Sugukundan kazmused oma levitadud kaikil kontinentil i klimatižil zonoil, no enamba kaiked erikoid om Pohjoižamerikas i Evrazijan subtropižes vönes.
Ümbrikirjutand
Erikod oma üks'voččed vai äivoččed heinäsižed kazmused tobjimalaz, erasti penzhad vai madalad pud, kaks' erikod oma todesižed pud: Scalesia pedunculata Galapagosan saril i Brachylaena merana Madagaskaral.
Jur' om värtmenvuitte. Lehtesed čereduišoiš päpaloin. Gavedid pölüstoitas kazmusid. Plod om semnikaz pähkmut, äjiden erikoiden semned oma ogakahad vai höunhesižed levigandemha.
Alasugukundad
Kaik lugetas 13 alasugukundad. Nimikirjutez erikoiden lugun mödhe:
- Puzuänikoižed (alasugukund) (Asteroideae), 16200 erikod 1130 heimos, kaikedme mail'madme
- Cikorijanvuiččed (Cichorioideae), 3200 erikod 224 heimos, kaikedme mail'madme
- Carduoideae, 2500 erikod 83 heimos, kaikedme mail'madme
- Mutiziižed (Mutisioideae), 750 erikod 58 heimos, Suviamerikas päpaloin, eile erikoid Evropas
- Barnadesioideae, 93 erikod 9 heimos, Andad
- Gochnatioideae, 90 erikod 4 heimos
- Pertyoideae, 70 erikod 5 heimos, Azii
- Stifftioideae, 40 erikod 10 heimos, Suviamerik i Azii
- Wunderlichioideae, 24 erikod 8 heimos, Venesuel i Gajan
- Corymbioideae, 9 erikod üks'jäižes Corymbium-heimos, Suviafrik
- Gymnarrhenoideae, kaks' erikod: Gymnarrhena micrantha Afrikan pohjoižes i Cavea tanguensis Gimalajiden päivnouzmas
- Famatinanthoideae üks'jäiženke Famatinanthus decussatus-erikonke, Suviamerik
- Hecastocleidoideae üks'jäiženke Hecastocleis shockleyi-erikonke, AÜV:oiden suvipäivlaskm
Nell' alasugukundad ottas sugukundan erikoiden 99%: Asteroideae (70%), Cichorioideae (14%), Carduoideae (11%) i Mutisioideae (3%).
Homaičendad
| Puzuänikoižed Vikiaitas |
This article uses material from the Wikipedia Vepsän article Puzuänikoižed, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.