Oksitanan kel' (ičeze nimitused: occitan, óucitan, virktas , mugažo lenga d'òc ; franc.: occitan, langue d’oc) om üks' oksitano-romanižiš, indoevropižiš kelišpäi.
Sil pagištas Francijan suves (istorine Oksitanii-agj), Italijan lodehes, Ispanijan pohjoižpäivnouzmas i Monakos.
Kel' om regionaliženke oficialiženke statusanke Ispanijas (sen Katalonijan pohjoižes aranan kel'-nimenke) i Italijas (penen rahvahan kel'). Opetas kel't Francijan školoiš kut rahvahanvähembusen kel't.
Pagižijoiden lugu mamankeleks om 800 tuhad ristituid (2007), Francijas tobjimalaz, kaik kaks' millionad ristituid kävutadas kel't muupäiväližes elos. Heiden toine kel' om francijan kel' päpaloin.
Kirjankel' om tetab 10. voz'sadaspäi i oli levitadud, konz Francijan suvi oli ripmatomudenke. Oksitanan kirjankelen variant om sätud paginoiden avarombal alusel 19. voz'sadan lopus.
Ühtenzoittas paginoid kahteks vai koumeks gruppaks: pohjoine (koume paginad), suvine (vai keskoksitanan, kaks' paginad), gaskonin pagin (erased lugetas sidä toižeks keleks).
Oksitanan kirjkel' om latinan kirjamišton pohjal. Kirjamišt kogoneb 23 kirjamespäi, niiden ližaks K-, W- i Y-kirjamed oma velgsanoiš vaiše. Erazvuiččed diakritižed znamad ližadudas kirjamihe francijan kelen kartte. Lähembaine heimkel' om katalanan kel'. Francijan kelen erineden, oksitanan keles läz ei ole sauptud kehkranzoittud vokalid, i substantivoiden sugu erigoičese kirjutamižes: mužiksugu znamoičese -e vai noläižel lopindal, naižsugun lopind om -a. Verboiden fleksii om šingotadud.
Nece kirjutuz om vaiše ezitegez. Tö voit abutada meile, ku kohendat sidä da ližadat sihe. |
This article uses material from the Wikipedia Vepsän article Oksitanan kel', which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.