Käbuhein
SistematikVikierikoiš
| Käbuhein | ||||||||||||
|---|---|---|---|---|---|---|---|---|---|---|---|---|
 Hernehhein (Prunella vulgaris) Estinman lodehes, käbuheinän tipine erik | ||||||||||||
| Tedoklassifikacii | ||||||||||||
| ||||||||||||
| Latinankel'ne nimi | ||||||||||||
| Prunélla L., 1753 | ||||||||||||
|
Käbuhein (latin.: Prunella) om heinäsižiden kazmusiden heim Lamiaceae-sugukundaspäi. Heim mülütab kahesa erikod da niiden viž gibridad.
Leviganduz
Erikoiden tobj pala kazvab Evropas, Azijas, Pohjoižamerikas, mugažo Afrikan pohjoižes.
Levigandeb pustolänil, sädab žomid teravas. Kul'turine käbuhein äikerdoičese semnil, kevädel i sügüzel — kazmusen jagamižel.
Ümbrikirjutand
Käbuhein sase 60 santimetrhasai kortte, seikh om püštoiged. Lehtesed oma höunhenvuiččed. Purpurižed vai vauktad änikod ühtenzoittas tähkanvuiččeks änikuseks.
Kävutand
Ištutadas čomitamha miksborderoid, klumbid, al'pinarijoid. Lipkaižiden erasiden erikoiden (oz., Coleophora albitarsella) gaved'madod sötlesoiš käbuheinäl.
Zelläd käbuheinäspäi kuctas antiseptižid da antibakterialižid tegendoid. Kävutadas preparatoid morindad sömäl vaste. Pohjoižamerikan lodehližen randišton indejalaižed otiba käbuheinän südäivet čapatesiden, ajatišiden (bul'kuiden) i palatusiden spravitandan täht. Rahvahaline kitajine medicin tegeb tervehtandjomad.
Erikod da gibridad
Koumetoštkümnendes erikospäi da gibridaspäi kaks' mecerikod kazdas Venäman evropižes palas — hernehhein i järedänikoine käbuhein.
- Erikod
- Prunella albanica
- Prunella cretensis
- Prunella grandiflora — Järedänikoine käbuhein
- Prunella hyssopifolia
- Prunella laciniata
- Prunella orientalis
- Prunella prunelliformis
- Prunella vulgaris — Hernehhein, heimon tipine erik
- Gibridad
- Prunella × bicolor (P. grandiflora × P. laciniata)
- Prunella × codinae (P. hyssopifolia × P. laciniata)
- Prunella × gentianifolia (P. hyssopifolia × P. vulgaris)
- Prunella × intermedia (P. laciniata × P. vulgaris)
- Prunella × surrecta (P. grandiflora × P. vulgaris)
Kacu mugažo
- Käbu (biologii)
Homaičendad
This article uses material from the Wikipedia Vepsän article Käbuhein, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.