Jurjevec (ven.: Ю́рьевец) om Venäman lidn da lidnankund Ivanovon agjan pohjoižpäivnouzmas.
Se om Jurjevecan rajonan administrativine keskuz.
Lidnanznam | Flag |
Valdkund | Venäma |
Eläjiden lugu (2021) | 7,899 ristitud |
Pind | 8 km² |
Pämez' | Nina Il'jina (tal'vku 2020—) |
Telefonkod | +7−49 337-xx-xxx |
Avtokod | 37 |
Aigvö | UTC+3 (MSK+0) |
Eländpunktan alusenpanendan oficialine voz' om 1225, Vladimiran Jurii II-ruhtinaz pani lidnusen alust kaičemha röunad londoišpäi. Edeližed nimitused: Jurjev-Povol'skii (ven.: Юрьев-Повольский, Georgijevsk, Jurjev-Povolžskii. Žilo sai lidnan statusad vl 1778. Vll 1955−1957 Gor'kijan vezivaradim om täuttud, lidnan istorižen keskusen pala sijadase pol'tošt metrad alemba veden järgelišt pindad i kaičese dambal.
Jurjevec šingotase omblendcehal da turizmal, betontegesiden, tualetbumagan i meblin tehmižel. Ende pölvhanfabrik, leibtegim i punümbriradai kombinat radoiba mugažo.
Lidn sijadase pidust' Volgan Gor'kijan vezivaradimen oiktad randad, 120 m ü.m.t. keskmäižel korktusel. Vezivaradimen tazopind om 84 m ü.m.t., 15 kilometrhasai levette lidnad vaste. Kavag'mec om lidnan taga.
Matkad Alalidnan agjhasai om koume..viž kilometrad päivnouzmha orhal (sar' vezivaradimes), Ivanovohosai om 134 km päivlaskmha-suvipäivlaskmha orhal vai 166 km avtotel. Lähembaižed lidnad oma Pučež 39 km suvhe orhal vai 50 km avtotedme, i Kinešm (raudtestancii) 60 km päivlaskmha orhal vai 63 km avtotedme.
Jurjevec om lidnankundan üks'jäižeks eländpunktaks. Lidnankundan pind — 9,11 km².
Edeline lidnankundan pämez' (Nevondkundan ezimez') om Svetlana Baranova (reduku 2015 — kül'mku 2020). Lidnan Administracijan pämez' om Aleksei Filin vn 2016 uhokuspäi.
Vl 1939 lidnan ristitišt oli 15 508 eläjad. Vn 2010 Venäman rahvahanlugemižen mödhe lidnan eläjiden lugu oli 10 210 ristitud, rajonan viž kahesandest. Kaik 8 378 eläjad oli lidnas vl 2017. Kaikiš suremb lidnan ristitišt oli 19..21 tuhad eläjid vozil 1959−1974 (21 tuh. rist. vl 1967).
Rahvahad (2010): venälaižed — 98,5 %, toižed rahvahad — 1,5 %.
Ortodoksižen hristanuskondan kuz'toštkümne pühäpertid oma kaičenus i saudud lidnas: Sündun Tulendan Jerusalimha (1733, om ližasaudud vl 1806) i Jumalanmaman Emäganpäivän (1825−1833) päjumalanpertid, kümne jumalanpertid i nell' časounäd.
Jurjevecan agrotegimištoline kolledž om lidnan professionaližen opendusen aluzkundaks.
Jurjevec Vikiaitas |
Ivanovon agjan lidnad | ||
Furmanov | Gavrilov Posad | Ivanovo | Jurjevec | Juž | Kinešm | Kohm | Komsomol'sk | Navoloki | Plös | Privolžsk | Pučež | Rodniki | Šui | Zavolžsk | Teikovo | Vičug | ||
This article uses material from the Wikipedia Vepsän article Jurjevec, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.