Isafjordür (isl.: Ísafjörður , kändase «jäfjord») om lidn Islandijan lodehes.
Se om Vestfirdir-agjan administrativine keskuz.
Valdkund | Islandii |
Eläjiden lugu (2020) | 2,736 ristitud |
Pind | 23,42 km² |
Telefonkod | +354−450 |
Aigvö | UTC+0 |
Eländpunktan aluz om pandud vl 920. Se sai torgusen oiktusid vl 1787. Om lidnan statusanke vspäi 1866.
Isafjordür šingotase kalanpüdandal (toihe röunadusid 1980-nzil vozil), meriportal i kalan kül'menzoitandal, turizmal (matk kel'dtahoižennoks, gol'fvänd, muzikfestivalid), ümbrišton openduzkeskuseks.
Lidn sijadase Vestfirdir-pol'saren lodehes, kesked Isa-fjordan Skütül'-fjordad-hijamad. Ližatas lidnan pindad koveritomal letepudotesel fjordha.
Klimat om tundran, subarktižen röunal, üks' kaikiš vilumbišpäi valdkundan tanondoiš meren tazopindanno. Voden keskmäine lämuz om +3,1 C°, kezakun-elokun +8..+10 C°, kül'mkus-keväz'kus 0..−2 C°. Ekstremumad oma −23 C° i +24 C°. Paneb sadegid 932 mm vodes, vähemba semendkus-elokus (29..48 mm kus). Relätivine nepsuz om 76..81 % vodes läbi.
Läz 3,7 tuhad ristituid elädas Isafjardarbair-municipalitetas (2008).
Vspäi 2005 Aküreirin universitetan openduzkeskuz radab lidnas, lähižiden-ki kundoiden eläjiden täht. Opetas nellän programan mödhe magistran arvon sandan täht: ohjanduz merenrajonil i mererandaližil territorijoil, islandijan kel', randaližed kundad i regionaline šingotez, meriinnovacijad.
Isafjordür Vikiaitas |
This article uses material from the Wikipedia Vepsän article Isafjordür, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Südäimišt voib kacta CC BY-SA 4.0, ku ei ole ozutadud nimidä tošt. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vepsän (DUHOCTRUNGQUOC.VN) is an independent company and has no affiliation with Wiki Foundation.