Fredrikstad

Se om valdkundan videnz' lidn eläjiden lugun mödhe Sarpsborg-kaimdailidnanke, mülüb Viken-agjaha.

Fredrikstad

Lidnanznam	Flag
Valdkund	Norvegii
Eläjiden lugu (2022)	83,892 ristitud
Pind	292,56 km²
Pämez'	Siri Martinsen (reduku 2021—)
Telefonkod	+47-
Aigvö	tal'vel UTC+1, kezal UTC+2

Eländpunktan aluz om pandud Frederik II-kunigahal vl 1567 kuti lidnuz mererandanno, keskustal palanudes sil aigal Sarpsborg-lidnaspäi, i om nimitadud kunigahan mödhe. Lidnan municipalitet om olmas vspäi 1838, se om levitadud külärajonil vl 1964 i 1994. Edel 1877. vot kirjutihe lidnad oficialižešti Frederiksstad, vll 1877−1888 — Fredriksstad, vspäi 1889 nügüdläižikš.

Fredrikstad šingotase himižil tegimil i meriportal. Ende mecanpilind i laivansauvomine (vhesai 1988) oliba lidnas.

Lidn sijadase Oslo-fjordan i Glomm-jogensun randoil. Matkad Ročinman röunhasai om 40 km päivnouzmha orhal vai 20 km suvhe avtotedme. Oslo-pälidn sijadase 78..90 kilometras pohjoižhe avtol. Lidnan territorijan ühthine pind om 292,56 nellikkilometrad, sidä kesken kuivma otab 284 km².

Klimat om ven valdmeren. Voden keskmäine lämuz om +6,4 C°, kezakun-elokun +14,8..+16,7 C°, tal'vkun-uhokun −1,1..−3,1 C°. Paneb sadegid 825 mm vodes, enamba voden kahtendes poles (70..105 mm kus), vähemba uhokus i sulakus (40 mm kus).

Vl 2021 kundan eläjiden lugu oli 83 761 ristitud. Kaikiš suremb lidnan ristitišt om nügüd'. Vl 2021 kahten lidnan ristitišt oli 118 992 eläjad, kaiken lidnaglomeracijan 141 708 eläjad, se om videnz' surtte valdkundas.

• Lidnankundan oficialine sait (fredrikstad.kommune.no). (norv.) (angl.)