Fillah

Se om valdkundan seičemenz' lidn eläjiden lugun mödhe, mülüb Karintii-federacijanmaha.

Fillah
Villach

Lidnanznam	Flag
Valdkund	Avstrii
Eläjiden lugu (2022)	64,071 ristitud
Pind	134,99 km²
Pämez'	Günter Albel (keväz'ku 2015—, Günther Albel)
Telefonkod	+43-(0)4242
Aigvö	tal'vel UTC+1, kezal UTC+2

Eländpunkt mainitase ezmäižen kerdan vl 878. Se sai lidnan oiktusid vl 1240. Manrehkaidused mureniba lidnad vll 1348 i 1690. Vl 1932 Fillah sai avtonomižen lidnan statusad. Toižen mail'man sodan aigan gitleranvastaine koalicii bombardurui lidnad lujas, viž sauvust kudespäi oli muretud. Vspäi 1973 lidnankund om nügüdläižiš röunoiš. Padosein ekektrostancijanke kaičeb lidnad sur'vezišpäi.

Fillah šingotase pol'veimiden tehmižel avtoiden i tegimišton täht (Siemens, Infineon — severz'-se tegimid), ratud korundan edheotandal, sauvondal i sauvondmaterialiden pästandal (puhthad honused, täutajad materialad, klei ocseiniden täht, lakk), torvveimiden armaturan tegimel, oluden pästandal, raudtesol'meks, turizmal (teatraline, džazan i čomamahtoiden festivalid, karnaval kül'mkuspäi keväz'kuhusai) i hihtandsportal (trass, nell' tramplinad).

Lidn sijadase Karintijan suves, Drav-jogen randal (saks.: Drau, Dunain oiged ližajogi), 501 m ü.m.t. keskmäižel korktusel. Om ümbärtud Al'pil.

Klimat om ven kontinentaline. Voden keskmäine lämuz om +8,2 C°, kezakun-elokun +17..+19 C°, tal'vkun-uhokun −1..−3 C°. Paneb sadegid 1075 mm vodes, enamba kezakus-elokus (111..133 mm kus), vähemba tal'vkus-keväz'kus (47..65 mm kus).

Vn 2011 Avstrijan rahvahanlugemižen mödhe eläjiden lugu oli 59 285 ristitud, Karintijan kahtenz' surtte lidn. Vn 2018 augotišes kaik 61 879 eläjad oli lidnas. Kaikiš suremb lidnan ristitišt om nügüd'.

• Lidnan tobmuden sait (villach.at). (angl.) (saks.) (ital.) (sloven.)