Bataisk

Se om Rostovan Donal suvine ezilidn, agjan kudenz' lidn eläjiden lugun mödhe.

Bataisk
Батайск

Lidnanznam	Flag
Valdkund	Venäma
Eläjiden lugu (2018)	126,769 ristitud
Pind	77,68 km²
Pämez'	Igor' Lübčenko (reduku 2019—)
Telefonkod	+7−86 354-xx-xxx
Avtokod	61, 161
Aigvö	UTC+3 (MSK+0)

Eländpunktan aluz om pandud vl 1769 kuti Bataiskai-slabad (ven.: Батайская слобода). Ba-tai-su kändase türkižiš kelišpäi kuti «neps alangišt ojanke». Raudtestancii radaškanzi jonol Vladikavkazhasai vl 1875. Oli Bataiskan rajonan (1924−1938) keskuseks. Kätihe radnikžiloks vl 1925. Žilo sai lidnan statusad vn 1938 25. päiväl kül'mkud. Lidn oli okkupiruidud nacistoil (27.07.1942 — 07.02.1943). Mülütihe Koisug-žilod lidnha vl 1959.

Bataisk šingotase sauvondmaterialiden (raudbeton) i sauvondtegesiden (metalližkonstrukcijad, mülütimed) pästandal, transportižel mašinansauvomižel (avtoližavedamad, avtolibutimed, avialadimiden tegim, avtoveimiden edheotand), sömtegimištol.

Lidn sijadase Donan hural randpolel, 5..7 m ü.m.t. keskmäižel korktusel. Pen' Koisug-jogi (ven.: Малый Койсуг, lankteb Donha ani lidnan taga) om lidnan lodehližeks röunaks, Azovan järgenduzkanal läbitab lidnan palad suves. Bataisk röunatab Rostovan Donal Kirovan rajonanke pohjoižes. Toižed lähembaižed lidnad oma Azov 25 km päivlaskmha orhal, 32 km avtotedme vai raudtedme, i Aksai 17 km pohjoižpäivnouzmha orhal, 24 km avtotedme vai raudtedme. Bataisk-raudtestancii radab lidnan keskuzpalas-suves. «Rostov Donal — Krasnodar»-avtotekeskust om lidnan päivnouzmaižeks röunaks.

Bataisk om lidnümbrikon üks'jäine eländpunkt. Röunatab Aksain rajonanke päivnouzmas, Azovan rajonanke päivlaskmas.

Vl 1939 lidnan ristitišt oli 48 tuhad eläjid. Vn 2010 Venäman rahvahanlugemižen mödhe eläjiden lugu oli 111 843 ristitud. Kaikiš suremb lidnan ristitišt om nügüd'. Ortodoksižen hristanuskondan kuz' pühäpertid oma olmas lidnas, hristanuskondan toižed jumalanpertid i loičendpertid.

Rahvahad (2010): venälaižed — 90,6%, armenijalaižed — 2,5%, ukrainalaižed — 1,5%, korejalaižed — 1,4%, toižed rahvahad — 4,0%.

Professionaližen opendusen aluzkundad Bataiskan informacižtehnologijoiden da radioelektronikan tehnikum i Bataiskan raudtetransportan da sauvondan tehnikum.

•  
  Lidnan tobmuden pert'
•  
  Pühän Stroican ortodoksine jumalanpert' vl 2013
•  
  Sauvondsegoitusiden tegim (2010)
•  
  Kul'turkeskuz
•  
  Torg päraudtestancijanno vl 2018

• Lidnan Duman oficialine sait (батайскаядума.рф). (ven.)
• Lidnan Administracijan oficialine sait (батайск-официальный.рф). (ven.)