Owen Cunningham Wilson (Dallas, 1968) el xe on atór mericàn.
Biografia | |
---|---|
Nasimènto | (en) Owen Cunningham Wilson [[Categoria" was not found. (55 ani)Dallas (Texas) |
Dati personałi | |
Formasion | |
Altura | 1,8 m |
Laterałizasion | Sanco |
Atività | |
Ocupasion | [[Categoria" was not found. |
Atività | 1995 – |
Menbro de | [[Categoria" was not found. |
Òpara | |
Òpare in rezalto
| |
Fameja | |
Fradełi | |
Sito web | wilson-brothers.com |
|
Wilson el xe nato a Dallas, Texas, fiòło de ła somejàra Laura Cunningham e de Robert Andrew Wilson, on dirixente publiçitario e gestór de na staçión tełevixiva pùblica. El g'a dó fradei, anca lòri atóri: Luke e Andrew. La so faméja, ca la vén da el Massachusetts, la xe de orìxeni irlandesi. Wilson l'a frecuentà ła New Mèsego Military Institute e l'Università del Texas ad Austin, dóe l'a otignuo na laurea in Inglexe. Nteła stésa università l'a conossùo Wes Anderson, amigo co el cuàl l'a laorà pì òlte a livèl cinematografego.
Wilson, insénbre a so fradel Luke Wilson e a Ben Stiller, Will Ferrell, Vince Vaughn, Jack Black e Steve Carell, el xe considerà da ła stanpa cinematografega mericàna parte del cusì dito Frat Pack, on grupo de atóri comici amighi ca i a laorà spés insénbre. Owen el xe uno dei do atóri del grupo ca l'a risévuo na nomination ai Oscar (par ła sienegiadura de I Tenenbaum), insénbre a Steve Carell, ca el l'a risevùa ntel 2015 par ła so interpretasión in Foxcatcher comò mègio atór protagonista.
L'a resità in dodexe film in parte a Ben Stiller: Il rompiscatole (1996), Permanent Midnight (1998), Ti presento i miei (2000), Zoolander (2001), I Tenenbaum (2001), Starsky & Hutch (2004), Mi presenti i tuoi? (2004), Una notte al museo (2006), Una notte al museo 2 - La fuga (2009), Vi presento i nostri (2011), Una notte al museo 3 - Il segreto del faraone (2014), Zoolander 2 (2016).
El 26 agósto 2007 Wilson el xe stà recetà al'ospeàl St. John de Los Angeles, daspuò l'avea proà a coparse. La caxón del'asión la par ligà a problèmi de droga. Dapò póco l'atór l'a rełasà stà dichiaraxión ai media: «Dimando co respèto ai mèdia de parmétarme de risévar le rancùre in privato manman stò difìsile muménto». El so avogadór l'a dato làudo ca l'atór el xe in rancùra par ła so patùrnia.
L'insidénte del 2007 l'a simentà a Wilson calche problema sul piàn profesionàl: el xe stà defati tajà fòra dal cast del film Tropic Thunder, ntel cuàl l'avarea recità in parte al mègio amigo Ben Stiller (ca orsùxo el xe rexista del film). La so parte la xe ndà a Matthew McConaughey.
El g'a avuo na rełasión co ła santànte Sheryl Crow (de 6 ani pì vècia), ca l'a dedicà ała só storia na cansón, Safe and Sound.
Sul set de Tu, io e Dupree (2006) l'a conossùo Kate Hudson cò ła cuàl l'a avùo na rełasión dal'agósto del 2006 fin al maxo del 2007; ntel marso del 2008 i se jera reviçiné ma do méxi dapò i do i s'a molé in maniera definitiva.
El 10 xenàro 2011, el portavóxe de Wilson l'a dato notìsia ca Wilson e ła cołonbìna Jade Duell i jera drìo spetàr on fiòło, nato cuatro dì dapó ła notìsia, el 14 xenàro, ałe Hawaii, cò el nòme de Robert Ford Wilson; ła sò rełasión la xe finìa ntel zùgno del stéso ano, dapó on ano e mèxo de promisiòn.
El 30 zùgno del 2014, el g'a avùo el so segóndo fiòło, Finn, da ła so rełasión co ła personal trainer Caroline Lindqvist.
Wilson el xe on fan de racuànte scuàre sportive a livél profesionìstego nteła zona de Dallas, e el xe stà avistà a calche partìa dei Dallas Cowboys, Dallas Mavericks e Texas Rangers.
Wilson el g'a el naxo schisà e el xe el rexultàdo de do scaveçàde, na òlta doménte el jera drio fàr na lòta a scòła e na olta doménte el jera drio xugàr a balòn cò i so amighi.
Nomination ai Golden Globe 2011 par mègio atór in on film comedia o musicàl par Midnight in Paris
Ntełe versiòni in tałian dei so film, Owen Wilson el xe stà dopià da:
Da dopiatòr el xe stà canbià cò:
Scheda su Owen Wilson de l'Internet Movie Database
Controło de autorità | VIAF (EN) 51901914 · ISNI (EN) 0000 0001 1472 6150 · LCCN (EN) no97077233 · GND (DE) 130301523 · BNF (FR) cb142395576 (data) · BNE (ES) XX1299115 (data) · WorldCat Identities (EN) no97-077233 |
---|
This article uses material from the Wikipedia Vèneto article Owen Wilson, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.