L'Internasionałe (L'Internationale in francexe) ła xe ła pì famoxa canson sociałista e comunista, riconosuda confà l'ino dei lavoradori in tuto el mondo.
Łe parołe originałi łe xe stà scrite in francexe da Eugène Pottier (1816–1887) inte el 1871 par çelebrare ła Comune de Pariji. Pierre Degeyter (1848–1932) el ga scrito ła muxica inte el 1888. Fin a queła data el testo el vegneva generalmente cantà co l'aria de ła Marsejexe.
L'Internasionałe ła xe vegnesta l'ino del sociałismo rivolusionario internasional, come el dixe el so ritorneło: C'est la lutte finale / Groupons-nous et demain / L'Internationale / Sera le genre humain ("Ła xe ła łota final / Metemose insieme e doman / l'Internasionałe / Ła sarà el gènare uman").
Ła canson ła xe stà tradota inte inumerevołi łéngue, e de tradision ła xe cantà col pugno sanco alsà in maniera de sałudar.
In tante nasioni eoropee l'Internasionałe ła xe stà iłegal a scomiçiar dal XX secoło cauxa ła so imajine rivolusionaria e łe so łirighe d'ispirasion insuresionałista.
No existe na tradusion vèneta "ofiçiałe", parò ła pol vegner cantà traduxendo el testo itałian in vèneto.
Controło de autorità | VIAF (EN) 176595943 · GND (DE) 1171741677 · BNF (FR) cb13927446n (data) · WorldCat Identities (EN) 176595943 |
---|
This article uses material from the Wikipedia Vèneto article L'Internasionałe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.