Guera De Indipendensa Americana

Dezanbìgua – Se te serchi ła revołusion ocoresta in concomitansa dei avegnimenti de ła guera siviłe americana, védarse Revołusion americana

La guera de indipendensa americana, conosesta inte i Stati Unii de l'Amèrica prinsipalmente cofà guera revołusionària americana (in ingleze: American War of Independence o American Revolutionary War)) e in Fransa, raramente, cofà guera de Amèrica (in franseze: guerre d'Amérique), ła ze sta el conflito che, intrà el 19 de apriłe del 1775 e el 3 de setenbre del 1783, el ghea oponesto łe Tredaze cołònie nordamericane, divegneste de sevente i Stati Unii de l'Amèrica, a ła so marepàtria, el Regno de Gran Bretagna.

Guera de indipendensa americana

rełasion biłatarałe intrà Regno Unio–Stati Unii de l'Amèrica
Tipo	guera de libaramento nasionałe
Data	19 de apriłe del 1775  –  3 de setenbre del 1783
Liogo	Stati Unii de l'Amèrica

Partindo dal 1778 ła guera, tacada in prensìpio cofà rebejon indipendentìstega locałe, ła se ghea trasmudà inte un conflito globałe intrà łe grande potense eoropee par el predomìnio dei mari e inte i teritori cołoniałi. La Fransa zera entrda in guera stando de fianco dei americani e, in liansa anca co ła Spagna e łe Province Unie, ła ghea intentà de sfidar el predomìnio britànego e de otegnere ła revalsa dopo de ła sconfizesta inte ła guera dei sete ani. La Gran Bretagna invese ła ghea podesto renforsar el so corpo de spedision in Amèrica reclutando numarévułi continzenti de trupe mersenàrie todesche, i denomenai Asiani, provizionai, drio reconpensi in schei, da l'Àsia-Kassel, da l'Eletorà de Hannover e da altri picenini stati todeschi.

Dopo de vari alti-basi, ła sconfizesta britànega a Yorktown contro de łe forse franco-americane guidae dal zenerałe George Washington e dal zenerałe Jean-Baptiste de Vimeur de Rochambeau, ła ghea segnà na svolta decizionałe de ła guera. El tratà de Parize, firmà inte el 1783, el ghea ponesto ufisalmente fin al conflito, za concludesto 'de facto' intrà el 1781 e el 1782.

Co ła paze, i Stati Unii i zera stai reconosesti dal Regno Unio, al cuało ghe ghea tocà cédar a ła Fransa el Senegal, Saint Lucia e Tobago, a ła Spagna ła Florida e Minorca e a łe Province Unie łe so cołònie aziàteghe. La Fransa tutavia, se bè che ła ghese vesto racuanti sucesi, no ła zera sta bona de cavarghe a ła Gran Bretagna el domìnio dei mari e ła corona britànega ła ghea mantegnesto inte i so gaveri łe Antiłe e el Cànada mentre granda parte de l'Ìndia ła restava soto del controło de ła Conpagnia britànega de łe Ìndie orientałi.

•   Wiki Commons el detien imàjini o altri file so Guera de indipendensa americana

• Rivoluzione americanaTreccani.it – Enciclopedie on line, Istituto de ła Ençiclopedia Italiana.  
• (EN) Willard M. Wallace, American RevolutionEnçiclopedia Britannica, Encyclopædia Britannica, Inc.