Endemismo

Al endemismo al ze al fenomeno par al qual serte specie de o vegetai i ze esclusivi de un serto teritorio. Anca se, tecnicamente, la parola endemismo se pol doperarla anca par teritori grandi, par es. continenti intieri (come te el caso dei armadilli che i ze endemici de l'America), risulta de intaresse i endemismi relativi a areai pisoi come quei de na ìzoła, serte olte grandi solche qualche km².

la parola endemismo la ze stata doperada par la prima olta in botanica 'te el 1820 dal naturalista svisero augustin Pyramus De Candolle, che al lo ga ciapà da la terminologia medica.

esiste do categorie principai de endemismo: Esistono due categorie principali di endemismo:

• Paleoendemismo, doperà par indicar specie che na olta le ghe n'era in areai grandi, ma par qualche motivo le ze sparide in gran part da la area originaria, sichè dess (o infin a poco tenpo indrio) se pol catarle solche 'te n anbienti ristreti.
• Neoendemismo, doperà in riferimento a spece de origine recente in serti anbienti, par esenpio in seguito a na ibridasion ancestral co altre specie.

i endemismi i ghe n'è da spess 'te le ìzołe, aonde che i ze favoridi da le bariere geografiche che le evita la dispersion zoologiza: la quantità de endemismi che se pol rilevar su na ìzoła la ze diretamente proporsional a la so età geologica e a la so distansa da la teraferma. Altri anbienti i pol esser a tuti i fati ìzoładi da le are dintorn che le ga habitat o climi tanto diferenti: le sime alte de le montagne, i cogoi, i laghi fondi, le fosse oceaniche.

La circoscrision del areal aonde che an organismo endemico al viu, al qual da spess se donta la alta specificità in termini de adatamento che questo al evolve, la fà in modo che i organismi endemici i sie tanto in pericol davanti a canbiamenti del clima o conpetision co organismi che no ze autoctoni.

inte el mondo, i ze consideradi centri de primaria inportansa de endemismi le isolle Galapagos, le ìzołe Hawaii, la Nova Caledonia, al Madagascar, la Nova Selanda, le ìzołe Canarie. In Italia le risulta siore de endemismi la sardegna e la Sicilia, oltre che le ìzołe pì cee. in Europa, al pì gran centro de biodiversità vegetal la ze rapresentà da le Alpi che le ospita circa 5500 specie de piante (al 43% de la flora europea) de le quale 350 endemiche (7% del total).

Serte olte na spece presente su pì teritori la ga sotspecie endemiche de singole aree (p.es. al orso bruno).

• la Salamandrina dagli occhiali, limitada al versante tirenico de la penìzoła;
• al orecchione sardo, limità a la Sardegna
• al oner napoletan, limità a l'Italia meridional e a la Corsica.
• la paveja Brahmaea europaea, limitada a la Basilicata.

• Specie animai endemiche de l'Italia
• Farfale e paveje endemiche de l'Italia
• Flora endemica del Veneto

•   Wiki Commons el detien imàjini o altri file so endemismo