El clima el xe ła condision carateristega del atmosfera in prosimità de ła superfise terestre su na data rejon jografica.
A diferensa del tenpo atmosferego, che el se riferise a łe condision atmosfereghe atuałi e a łe variasion de łe 'stese inte el arco de un par de setimane, el clima el se riferise al longo periodo: dixemo che el xe na mèdia de łe condision atmosfereghe che łe vien oservae so un dato posto durante svariati ani.
Ła siensa che studia el clima ła xe ła climatołogia.
I ełementi del clima i xe che i fenomeni fixici mixurabiłi (che i vien mixurai da łe stasion meteo) che inte łe łoro difarenti conbinasion i definise el clima. Pa' fatori del clima se intende inveçe łe condision che produxe variasion so i ełementi del clima: i se połe distinguere in fatori xonałi e fatori giografici.
Fatori xonałi:
Fatori ziogràfeghi:
Cofà baxe par clasifegare i climi vien doparà varie variabiłi atmosfereghe. Data ła disponibiłità de i dati de tenperadura, racolti da łe varie stasion de oservasion prexenti in tuto el mondo, uno dei sistemi de clasifegasion del clima pì difondesti el gheva come baxe propio łe medie mensiłi de ła tenperadura. In sto modo se sudivide i climi in tri grupi prinçipali:
In sta maniera ogni emisfero de ła tera el vien sudivixo in tre da do ixoterme: cueła de i 18 °C del mexe manco caldo e cueła de i 10 °C del mexe pì caldo. L'area dełimità da ste do ixoterme xe aponto cueła de i climi de łe mèdie latitudini.
Altra variàbiłe climatega uxà pa' clasifegare i climi ła xe łe precipitasion, anca par sta variàbiłe ghe xe gran disponibiłità de dati dato che i vien tirai su senpre da łe stasion meteo che łe tira xo anca ła tenperadura. Co sto sistema se połe sudividare el globo, stavolta co łe ixoiete, in sete rejon.
'N altro modo de clasifegare el clima el xe traverso łe rejon de orixene de łe mase de aria e łe xone frontałi. Anca in sto modo i vien sudivixi in tri grupi prinçipałi:
Uxando łe precipitasion e el evapotraspirasion el climatołogo merican C. W. Thornthwaite el ga ideà un modo pa' clasifegare el clima drio el biłancio del acua al teren.
Werner H. Terjung, inte el 1970, el ga proposto na clasifegasion de i climi baxà so ła insołasion e so ła radiasion neta.
Inte el 1918 Wladimir Köppen del università de Graz el ga inventà un sistema de clasifegasion (in gran parte enpirico) baxà so le mèdie mensiłi de tenperadure e precipitasion. Inte i ani el xe sta rivisto e estexo da i so alievi e el sistema del Kõppen el xe tutora uno dei sistemi de clasifegasion pì uxai. Sto sistema el xe caraterixà da un codexe de letere che łe indica i prinçipałi grupi de climi e i vari sotogrupi. I grupi prinçipali i xe sincue:
I sotogrupi, o sia łe seconde letare del codexe:
Pa' diferensiare ncora de pì i climi el Kõppen el ga xontà na tersa letera al codexe:
Metendo insieme ste letere se otien el codexe conpleto de un determinato clima. A volte ła tersa letera nó ła serve ma in çerti caxi ghe vołe tute e tre łe letare pa' identificar un clima.
Controło de autorità | LCCN (EN) sh85027036 · GND (DE) 4031170-3 · BNF (FR) cb119540674 (data) · NDL (EN, JA) 00565788 |
---|
This article uses material from the Wikipedia Vèneto article Clima, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnùo el xe disponibile soto CC BY-SA 4.0, almanco che no ghe sia scrito difarente. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Vèneto (DUHOCTRUNGQUOC.VN) is an independent company and has no affiliation with Wiki Foundation.