Łéngoa Brètona

Cofà tante lengue rejonai in Franza, el breton el xe squasi spario a vantagio del francese, soratuto da la fin del XIX secolo.

A la fin de marzo 1941 Joseph Barthélémy, ministro de la zustizia del governo de Vichy el dichiara:

Je m'opposerai ga l'enseignement de la langue bretonne dans les écoles primaires, me oponarò a l'insignamento de la lengua bretona inte le scole primarie.

Inte el1972 Georges Pompidou, presidente de la Republica el dise: il n'y a pas de place pour les langues régionales dans une France destinée ga marquer l'Europe de son sceau, no ghe xe spazio par de le lengue rejonai inte na Franza destinada a signar el pian europio.

Ma la cosienza bretona la se ga resvegià dopo de la seconda guera mondial co na progresion inportante inte i ani '70 e i difendaori del galo i ga scumicià a farse sentir inte i ani '90. Atualmente ghe xe cerca 300 000 persone che le parla la łéngua bretona.

 

la Bretagna la xe conposta storicamente da do aree lenguisteghe:

• la Bretagna inferior (Breizh Izel) a l'ovest (Finistère, Morbihan e banda de la Côtes-d'Armor) onde che vien parlà la lengua de orizene bretona (inparentada al galese e al cornico) conossua col termene Breton.
• La Bretagna superior (Breizh Uhel) a l'est (Ille-et-Vilaine e Loira-Atlantega) onde che vien parlà dei dialeti neolatini conossui col termene de Galo.

Tutavìa el galo e el breton i se ga infruenzà tanto l'una co chel'altra inte el corso dei secoi.

 

Inte el dicenbre 2004, el Consegio rejonal de la Bretagna el ga uficialmente reconossuo a l'unanimitae el galó e el breton cofà «lengue de la Bretagna» in banda a la lengua francese, inte l'anbito de un pian a favor del bilenguismo in Bretagna par salvar le lengue rejonai. Dal 2006, el galo el xe proposto cofà lengua facoltativa al bacalaureà. Sta opzion la xe efetiva solo inte i departementi bretoni.

• Intel 2004 el fumeto Asterix el gàłico el xe sta tradoto in bretone e galo.
• Inte l'ultimo conflito mondial, el breton el xe stà doparà cofà lenguazo in codese par comunicazion radiofoniche (na schianta fa i dialeti navajo o apache che i xe stai doparai dai mericani). In efeti le xe stae veramente poche e persone de sta łéngua che le xe stae fate prezoniere sul canpo.

• Skolius Dizionario breton-francese Archivià il 29 de otobre 2016 in Internet Archive.

• Ofis ar Brezhoneg - Ufizio de la Lengua Bretona

• Łéngue regionałi de ła Fransa